பலவாக இல்லாத பரப்பிரம்மத்தைப் போன்றே, ஒன்றாக இருப்பதே தன்னலமற்ற ப்ரேமையாகும்.அதனால் தான் மறை நூல்கள், ‘’ ஏகம் ஏவ அத்விதீயம் ப்ரம்மா’’ என்கின்றன. அதாவது இறைவன் ஒருவனே, இரண்டாவதாக என இல்லாத ஒன்றாக இருப்பவன் இறைவன் மட்டுமே என்பதே இதன் பொருள். ஒவ்வொன்றிலும் உள்ள ஒருமையை நாம் புரிந்து கொள்ள வேண்டும் என்றால், நாம் தொடர்பு கொள்ளும் பலவற்றில் பொதிந்திருக்கும் பரப்பிரம்மத்தை இனம் கண்டு கொள்வதன் மூலம் அந்த ஒருமையைப் புரிந்து கொள்ள வேண்டும். வெறும் ஒரு மனித ரூபத்தைப் பெற்றிருப்பதால் மட்டும், நீங்கள் இயல்பில் மனிதர் மட்டுமே என எண்ணி விடக் கூடாது. உங்களது வெளித்தோற்றம், நீங்கள் மனிதர் என்பதைக் காட்டுகிறது. உங்கள் இதயத்தில் கொலு வீற்றிருக்கும், தெய்வீகத்தின் உண்மையான அம்சமான, அந்தராத்மாவை ஒருபோதும் மறந்து விடாதீர்கள். எப்போது இறைவன் நிலையாக உங்களுள் குடி கொண்டிருக்கிறானோ, நீங்கள் பாசாங்குகள் செய்வதும் பொய்யான மற்றும் பொறுத்தமற்ற தோற்றங்களைக் காட்டுவதும் சரியாகுமா? இந்த சந்தர்ப்பங்களில், நீங்கள் ஆசைகளையும், வக்ரங்களையும் வெளிக்காட்ட முயல்வீர்களானால், உங்கள் இதயத்தில் கொலு வீற்றிருக்கும், இந்த நிரந்தர அம்சத்திற்கு அநீதி இழைத்தவர்கள் ஆவீர்கள்.