பிறரது நல்லவை, கெட்டவைகளை நீங்கள் ஒருபோதும் விவாதிக்கக் கூடாது. நீங்கள் உங்கள் மனதில் கெட்ட குணங்களுக்கு இடமளித்தால், அது உங்களைத் தீய பாதையில் இட்டுச் செல்லும்; நீங்கள் நிச்சயம் வீழ்ச்சி அடைவீர்கள். தீய எண்ணங்களுக்கு இடமளிப்பவர்கள், அவர்கள் எவ்வளவு செல்வமோ அல்லது பாண்டித்யமோ பெற்றவர்களாக இருந்தாலும், காலப்போக்கில் கண்டிப்பாக அழிக்கப் படுவார்கள்.தீயனவற்றை தன்னிடமிருந்து ஒதுக்கி வைத்து, நல்லவற்றை வளர்க்கப் பாடுபடும் ஒருவர், உண்மையான முன்னேற்றம் அடைவார். பிறரிடம் உள்ள தவறுகளைக் கண்டறிய நீங்கள் ஆயிரம் கண்களைப் பயன்படுத்தி, இதில் உங்களது அனைத்து நேரத்தையும் செலவழிப்பீர்களே ஆனால் , உங்கள் இதயம் மாசடைந்து,தீய எண்ணங்களை வளர்த்துக் கொள்ளும். நமது இதயம் ஒரு கேமராவின் லென்ஸைப் போன்றது. நாம் எந்தப் பொருளின் மீது நமது கவனத்தைக் குவிக்கிறோமோ, அதுவே நமது மனதில் பதிந்து விடுகிறது. இளைஞர்களும், பெரியோர்களும் ஒன்றே போல,பொறாமை, த்வேஷம் மற்றும் சகிப்பின்மை போன்ற குணங்கள் ஒருபோதும் அவர்களது மனங்களில் நுழையாமல் பார்த்துக் கொள்ள முயல வேண்டும்.