புத்தி நான்கு வகையானது-சுயநலமானபுத்தி, சுயநலமும், சுயநலமற்றதுமான புத்தி, முழுவதும் சுயநலமற்ற புத்தி,ஆத்ம புத்தி. முதல் வகையைச் சார்ந்தவர்கள் எப்போதும் தங்களைப் பற்றியே சிந்தித்து, அதன்படி முடிவு எடுப்பார்கள்.இது ஒரு காக்கையின் புத்தியைப் போன்றது.இது இந்த உலகில் பொதுவாகக் காணப்படுவது. இரண்டாவது வகையைச் சார்ந்தவர்கள், தங்களது நலனோடு சேர்த்து மற்றவர்களின் நலனைப் பற்றியும் சிந்திப்பவர்கள். இது சாதாரணமான வாழ்க்கை முறையாகத் தோன்றக் கூடும். மூன்றாவது வகையைச் சார்ந்தவர்கள், தாங்கள் எந்த விதமான சந்தோஷத்தை விரும்புகிறோமோ, அதையே மற்றவர்களும் பெற வேண்டும் என்று எப்போதும் சிந்திப்பவர்கள்.இந்த விதத்தில்,மனித உடல் பிறருக்கு பயன் தருவதற்காகவே கொடுக்கப் பட்டுள்ளது என்பதை உணர்ந்து, இந்த மூன்றாவது வகையைச் சார்ந்த மனிதர்கள் எப்போதும் பிறருக்கு நல்லதையே செய்ய முயலுவார்கள். நான்காவது வகையான ஆத்ம புத்தி படைத்தவர்கள், எப்போதும் தர்மத்தின் அம்சம் மற்றும் அதைப் பாதுகாக்க வேண்டியதன் அவசியம் ஆகியவற்றைப் பற்றிய சிந்தனை கொண்டவர்களாக இருப்பார்கள். அவர்கள் தங்களை இறைவனது தூதர்களாகக் கருதுவார்கள்; தங்களது சொந்த நலன்களை மறந்து, எப்போதும் தியாக சிந்தனை கொண்டவர்களாக, உலகிலுள்ள அனைவருக்கும் நன்மை செய்வார்கள்.