பலர் இறைவனது குணாதிசியங்களை விவரிக்க முற்பட்டு, அவன் இப்படிப் பட்டவன், அப்படிப் பட்டவன் என்று அறிவிக்கிறார்கள்; ஆனால் இவை அனைத்தும் அவர்களது யூகங்களும், அவர்களது விருப்பு, வெறுப்புக்களின் பிரதிபலிப்புக்களுமே அன்றி வேறில்லை.இறைவன் என்றால் இதுதான் அல்லது அதுதான் என்று எவரால் கூற முடியும்? இறைவன் இந்த ரூபம் அல்லது இந்த குணம் அற்றவன் என்று யாரால் சாதிக்க முடியும்?இறைவன் புரிந்து கொள்ள முடியாதவன். பொருட்களாலான வெளி உலகில் அவனை உணர முடியாது; அவன் ஒவ்வொரு ஜீவராசியின் இதயக் கருவிலும் இருப்பவன்.இரத்தினங்களை பூமியின் ஆழத்தில் தான் பெற முடியும்; அவை காற்றில் மிதப்பவை அல்ல. மனதை மயக்கும் வண்ண ஜாலங்கள் நிறைந்த இயற்கையில் அல்லாது, இறைவனை உங்களின் உள் மனதின் ஆழத்தில் தேடுங்கள். இந்த உடல், இந்த உயர்ந்த நோக்கத்திற்காகத் தான் உங்களுக்குக் கொடுக்கப் பட்டுள்ளது; ஆனால், தனக்கு பரம்பரைச் சொத்தாகக் கைகளில் கிடைத்த, இரத்தினங்கள் பதித்த ஒரு தங்கக் கிண்ணத்தில் தனது அன்றாட உணவைச் சமைக்கும் ஒருவனைப் போல நீங்கள் அதைத் தவறாகப் பயன்படுத்துகிறீர்கள். மனிதன் இறைவனை, அங்கிங்கெனாதபடி எங்கும் நிறைந்தவன், அனைத்தும் அறிந்தவன், ஸர்வ வல்லமை படைத்தவன் என்றெல்லாம் போற்றுகிறான்; ஆனால் அவனுள்ளேயே இறைவன் இருப்பதை பொருட் படுத்தாமல் விட்டு விடுகிறான் !