யுகாதி பண்டிகை என்பது புத்தாண்டின் தொடக்கம்.நீங்கள் பல யுகாதிப் பண்டிகைகளைக் கொண்டாடி இருக்கிறீர்கள்; ஆனால் உங்களது தீய குணங்களை விட்டு விட்டீர்களா? யுகாதிப் பண்டிகைக் கொண்டாட்டத்தை வெறும் புத்தாடைகளை அணிவது மற்றும் ருசியான விருந்தை உண்பதோடு நிறுத்திக் கொள்ளாதீர்கள்.இன்று நீங்கள் ஒரு புதிய சட்டையை அணிந்து கொள்ளக் கூடும்; ஆனால் அது எவ்வளவு நாட்களுக்குப் புதிதாக இருக்கும்?நமது வாழ்க்கை ஒரு தினசரிப் பத்திரிக்கை போன்றது. ஒருமுறை நீங்கள் ஒரு தினசரிப் பத்திரிக்கையைப் படித்து முடித்து விட்டால், அதையே மறுபடியும், மறுபடியும் படிக்க விரும்புவீர்களா? உங்களுக்கு இந்தப் பிறவி கொடுக்கப் பட்டுள்ளது; நீங்கள் பல விதமான இன்ப, துன்பங்களை அனுபவித்து இருக்கிறீர்கள். இந்த பிறப்பு, இறப்பு என்ற ஸம்ஸாகர சாகரத்தைக் கடக்கச் செய்து, முக்தி அளிக்க வேண்டும் என இறைவனைப் பிரார்த்தியுங்கள்.எப்போது நீங்கள் தீய குணங்களை விடுத்து,உங்கள் இதயத்தை அன்பால் நிரப்பி, தியாகத்தின் பாதையில் செல்கிறீர்களோ அன்றே உண்மையான யுகாதி. பிறரை விமர்சனம் செய்யாதீர்கள். உங்களை வெறுப்பவர்களைக் கூட மதியுங்கள். வெறுப்பு ஒரு தீய குணமே. அது உங்களை அழித்து விடும்.எனவே, இந்தத் தீய குணத்தை விட்டு விடுங்கள். ஒவ்வொருவரையும் நேசியுங்கள்.