மனதைக் கட்டுப்படுத்துவது கடினமானதாக இருந்தாலும், அதைத் திசை திருப்ப முடியும்.எப்போது உலகியலானவற்றில் மூழ்கிக் கிடக்கும் மனம் தெய்வீகத்தை நோக்கித் திருப்பி விடப் படுகிறதோ, அது நல்லொழுக்க வலுவைப் பெறுகிறது. உலகியலான விஷயங்களில் திளைத்திருக்கும் மனம் உங்களை உலகின் கைதியாக ஆக்கி விடுகிறது;ஆனால் இறைவன் பால் திளைத்திருக்கும் ஒரு மனம் உங்களுக்கு விடுதலையைப் பெற்றுத் தருகிறது. உங்கள் இதயம் ஒரு பூட்டைப் போன்றது; உங்கள் மனமே அதன் சாவியாகும்.நீங்கள் சாவியை இடது பக்கம் திருப்பும் போது அது பூட்டிக் கொள்கிறது;ஆனால் அதை வலது பக்கம் திருப்பினால், திறந்து விடுகிறது. சாவியைத் திருப்புவதில் தான் வித்தியாசம் இருக்கிறது. எனவே மனமே உங்களது மோக்ஷத்திற்கும், பந்தத்திற்கும் காரணம். மோக்ஷம் என்றால் என்ன? அது ஏதோ ஒரு ஏர்-கண்டிஷன் செய்யப் பட்ட மாளிகை அல்ல; அது மோஹம் அற்ற ஒரு நிலையே. மகத்துவமும், நல்லொழுக்கமும் , மனதை உலகிலிருந்து இறைவனை நோக்கித் திருப்புவதில் தான் இருக்கிறது. இதுவே,உங்களது முன்னேற்றம் மற்றும் வளமைக்கு உண்மையிலேயே உதவும், மிகவும் எளிதான மற்றும் வலுவான சிந்தாந்தம் ஆகும்.