எப்போதெல்லாம் குழந்தைகள், தெரிந்தோ அல்லது தெரியாமலோ, வழி தவறி நடக்கும்போது, பெற்றோர்கள் விரைந்து சென்று, அவர்களது தவறுகளைத் திருத்தி, அவர்களை சரியான பாதைக்கு இட்டுச் செல்ல வேண்டும். உணவு, படிப்பு மற்றும் உலகியலானவற்றைப் பற்றி அறிவு ஆகியவற்றை அளிப்பதோடு பெற்றோர்களின் கடமை முடிந்து விடுவதில்லை. குழந்தைகளுக்கு சரியான பண்புகளும் அளிக்கப் பட வேண்டும். செல்வத்தைச் சேர்த்துக் கொள்வது தான் வாழ்க்கையின் ஒரே குறிக்கோள் என அவர்கள் சிந்திக்குமாறு செய்யக் கூடாது. செல்வம், எவருடனும், அவர்கள் இந்த உலகை விட்டுச் செல்லும்போது, கூட வருவதில்லை. உங்களது அத்தியாவசியத் தேவைகளுக்கு மட்டுமே செல்வம் தேவை. பெரிய அளவு செருப்பைப் போல, அதிகப் படியான செல்வமும் ஒரு விதமான சங்கடமே. இறுகப் பிடிக்கும் செருப்பைப் போல, மிகக் குறைவான செல்வமும் துன்பகரமானதே. எனவே, உங்களது அடிப்படைத் தேவைகளுக்குப் போதுமான அளவு செல்வம் இருப்பதே, விரும்பத் தக்கதாகும். இந்நாளைய பித்துப் பிடித்தப் பணத் தேடலில், மனிதர்கள் மனிதப் பண்புகள் அனைத்தையும் மறந்து விடுவது, மிகவும் வருந்தத் தக்கதாகும்.