எந்த மிக அதிக சக்தி வாய்ந்த பல்பும், சூரியனின் இணையற்ற பிரகாசத்திற்கு ஒப்பாக முடியுமா? இந்த உலகில் உள்ள எந்த பம்பும் நாம் அடைமழையின் போது பெரும், அதே அளவிலான தண்ணீரைத் தர முடியுமா? இந்த உலகில் உள்ள எந்த ஃபேனும், வாயு பகவான் தரும் அளவிலான குளிர்ச்சியைத் தர முடியுமா? இறைவன் அளிக்கும் பரிசுகள் ஏராளமானவை, அபரிமிதமானவை, இணையற்றவை. நாம் அனுபவிக்கும் பல சௌகரியங்களுக்கு நாம் , கார்ப்பரேஷனுக்குத் தண்ணீர் வரி, மின்சாரத்துறைக்கு மின்சக்திக்கான வரி போன்ற வரிகளை செலுத்துகிறோம். ஆனால், முடிவே இல்லாத சக்தி, ஒளி மற்றும் காற்று ஆகியவற்றை நமக்கு அளிக்கும் தலைசிறந்த இறைவனுக்கு நாம் என்ன வரி செலுத்துகிறோம்? எப்போது பல துறைகளுக்கு அவை நமக்கு ஆற்றும் சேவைகளுக்காக நாம் வரி செலுத்துகிறோமோ, இறைவனுக்கு நன்றி என்ற வரியைச் செலுத்துவது நம் கடமை அல்லவா? எப்போதுமே தீர்ந்து போகாத பஞ்ச பூதங்களை நமக்குப் பரிசாக அளித்த இறைவனுக்கு நாம் எந்தவிதமான நன்றியும் செலுத்துவதில்லை. உண்மையில், முடிவே இல்லாது அபரிமிதமாக எவ்வளவையோ நமக்கு அளித்திடும் இறைவனுக்கு நன்றி கூறுவது நமது தலையாய கடமையாகும்.