நல்லோர்களின் நட்பு வட்டம் ஒருவரை தெய்வீக நிலைக்கு உயர்த்த முடியும்; அதே சமயம் தீயோர்களின் நட்பு வட்டம், ஒருவரை மிருக நிலைக்கு தாழ்த்தி விடச் செய்யும். நீங்கள் மனித நிலையிலிருந்து உயரந்து செல்ல முயற்சிகள் எடுக்க வேண்டும். நிலை குலைந்து தாழந்து விடுவதற்கு நீங்கள் எந்த முயற்சியும் எடுக்கத் தேவையில்லை. தீயவராக ஆவது மிகவும் எளிதானது. இன்று இளைஞர்கள் தீய எண்ணங்ளுக்கு இடம் கொடுத்து,தீய செயல்களை ஆற்றி, அதன் மூலம் தங்களது விலை மதிப்பற்ற இளமையை வீணடிக்கிறார்கள். துரதிருஷ்டவசமாக மனிதர்கள் இன்று தீய நட்பு வட்டத்தில் சேர்வதால், அவர்களது நல்ல உணர்வுகளும் செயல்களும், தீய உணர்வுகளாகவும், செயல்களாகவும் மாறி, இறுதியில் அவர்களது வாழ்க்கை மிகவும் பரிதாபகரமானதாக ஆகி விடுகிறது. உயர்ந்த நிலையை அடைவது மிகவும் கடினமானதாகத் தோன்றினாலும் கூட, நீங்கள் அந்த உயர் நிலைகளை அடைவதற்கு முயற்சிகள் எடுக்க வேண்டும்.உங்களது எண்ணங்களே அனைத்திற்கும் மூல காரணமாகும். எனவே, நீங்கள் சீரிய, புனிதமான, தூய மற்றும் அர்த்தமுள்ள எண்ணங்களை மட்டுமே கொண்டவராக இருக்க வேண்டும்.