நீங்கள் விளையாடும் வாழ்க்கை எனும் விளையாட்டு, மஹாபாரதப் போரைப் போன்றது.ஒருபுறம் தீயசக்திகளான கௌரவர்கள், மறுபுறம் நல்ல சக்திகளான பாண்டவர்கள்.அவர்கள் வாழ்க்கை எனும் விளையாட்டை சாம்ராஜ்யம் என்ற கால்பந்தைக் கொண்டு விளையாடினார்கள். முழு வெற்றி அடையும் வரை, பகவான் ஸ்ரீகிருஷ்ணர், அவரிடம் முழுமையாக சரணடைந்த தர்மாத்மாக்களான பாண்டவர்களின் ஒரே தலைவராக இருந்தார். கொடியவர்களான கௌரவர்கள் அவர்களது தானைத் தலைவர்களை போரில் ஒருவருக்குப் பின் ஒருவராக இழந்தார்கள். தீய குணங்களான ஆசை, த்வேஷம், பொறாமை,கர்வம் போன்றவற்றிற்கும், நற்குணங்களான சத்யம், தர்மம், சாந்தி, அஹிம்ஸை மற்றும் அன்பு ஆகியவற்றிற்கும் இடையிலேயே நிகழும் ஒன்றே, உங்களுள் இன்று நடக்கும் உண்மையான போராட்டம். உங்கள் உடலே யுத்தகளம்.ஒரு குழுவின் தலைவன் நற்குணங்களின் திருவுருவம்.மற்றைய குழுவின் தலைவன் உலகியலான ஆசைகளின் உருவம்.எப்போதும் மாறிக் கொண்டு இருக்கும், உலகியலான ஆசைகளில் கட்டுண்டவர்கள் தோல்வியைத் தழுவுவார்கள். நிலையான மற்றும் என்றும் சாஸ்வதமான தெய்வீகத்துடன் பற்று கொண்டவர்கள் மட்டுமே, வாழ்க்கையில் நிரந்தரமான வெற்றியைப் பெற முடியும்.