தர்மம் நிரந்தரமானது,எங்கும் எவருக்கும் ஒரே விதமானது.அது ஒருவரது உள்ளார்ந்த தெய்வீகத்தின் முக்கியத்துவத்தை பறை சாற்றுகிறது.தர்மத்தின் பிறப்பிடம் உங்கள் இதயமே.உங்கள் இதயத்திலிருந்து வெளிப்படுகின்ற தூய்மையான ஒரு கருத்து, செயல்பாடாக மாறும்போது,தர்மம் எனப்படுகிறது. இதை அனைவருக்கும் புரியுமாறு விளக்க வேண்டும் என்றால், ‘’ நீங்கள் மற்றவர்கள் உங்களுக்கு என்ன செய்ய வேண்டும் என விரும்புகிறீர்களோ, அவற்றை நீங்கள் மற்றவர்களுக்குச் செய்யுங்கள் ‘ எனலாம். பிறரைப் பாதிக்கும் செயல்களைத் தவிர்ப்பதும், தர்மத்தில் அடங்கும். யாராவது உங்களுக்கு மகிழ்ச்சி அளிக்கும் செயல்களைச் செய்வாரே ஆனால், அதற்கு பதிலாக,நீங்கள் பிறருக்கு மகிழ்ச்சி அளிக்கும் அப்படிப் பட்ட செயல்களை ஆற்ற வேண்டும். எப்போது, சில செயல்கள் பிறருக்கு கஷ்டங்களை அளிக்கின்றன என நாம் காண்கிறோமோ, அப்படிப் பட்ட செயல்களை நாமும் செய்யும் போது அது தெளிவாக அதர்மமே ! சில சமயங்களில், சில சந்தர்ப்பங்களில், ஒருவர் தவறு இழைக்கும் போது , அவர் தன்னைத் திருத்திக் கொள்வதற்காக, தவறு செய்திருக்கிறார் என்பது, அவருக்குத் தெள்ளத் தெளிவாகக் கூறப் பட வேண்டும்.