ஆன்மீக சாதகர்கள், சாதாரண மனிதர்கள்( சஹஜ ) மற்றும் ஆன்மீக சாதகர்கள் ஆகியோரின் நடத்தையில் உள்ள வித்தியாசத்தைக் கவனமாகப் புரிந்து கொள்ள வேண்டும். ஒரு சாதாரண மனிதன் சகிப்புத் தன்மை ( சஹானா ) இல்லாதவனாக, அஹங்காரம் கொண்டவனாக, உலகியலான ஆசைகள் நிரம்பியவனாக இருந்து கொண்டு, அதன் மூலம் திருப்தியுள்ள ஒரு வாழ்க்கை வாழ முயற்சிக்கிறான். கடலின் அலைகளைப் போல ஓயாது இறைச் சிந்தனையில் ஆழ்ந்திருக்கும் ஆன்மீக சாதகர்கள் சமச்சீரான மனநிலை மற்றும் அனைவரிடத்தும் ஒரே மாதிரியான அன்பு என்ற செல்வத்தைப் பெற்றவர்களாகவும், அனைத்தும் இறைவனுடையதே அன்றி எதுவும் அவர்களுடையது அல்ல என்ற எண்ணத்தினால் திருப்தி அடைந்தவர்களாகவும் இருப்பார்கள். சாதாரண மனிதர்களைப் போல, ஆன்மீக சாதகர்கள், துயரம், நஷ்டம், கோபம் அல்லது த்வேஷம் அல்லது சுயநலம், பசி, தாகம் அல்லது சஞ்சலம் ஆகியவற்றிற்கு எளிதில் தலை குனிய மாட்டார்கள்.சாதகர்கள் நல்ல விஷயங்களில் எவ்வளவு முடியுமோ அவ்வளவு மாட்சிமை பெற்று,வாழ்க்கைப் பயணத்தை சகிப்புத் தன்மை, தைரியம்,சந்தோஷம்,சாந்தி,ஈகை மற்றும் பணிவுடன் மேற்கொள்ள வேண்டும். உடலைப் பேணிக்காப்பது அவ்வளவு முக்கியமல்ல என்பதை உணர்ந்து,பசி மற்றும் தாகத்தை பொறுமையுடன் சகித்துக் கொண்டு, இடையறாத இறைச் சிந்தனையில் ஈடுபட்டு இருங்கள்.