வாழ்க்கையில் எதை சாதிக்க வேண்டும் என்றாலும் இரண்டு விஷயங்கள் அத்தியாவசியமானவை; திடமான நம்பிக்கை மற்றும் தூய்மையான ப்ரேமை. தூய்மையான தெய்வீக ப்ரேமையை அனுபவிப்பதற்கு நீங்கள் சுயநலத்தையும், சுயபலன்களையும் விட்டு விடத் தயாராக இருக்க வேண்டும். நீங்கள் தூய்மையையும், மன உறுதியையும் வளர்த்துக் கொள்ள வேண்டும்.இறைவன் பால் கொண்ட திடமான நம்பிக்கையோடு, எந்த விதமான தடைகள் மற்றும் துன்பங்கள் வந்தாலும், இறைவன் மீது ப்ரேமையைப் பேணிக் காக்க வேண்டும். இன்பமும், துன்பமும் ஏதோ வெளியிலுள்ள சக்திகளால் ஏற்படுகிறது என்று ஒருபோதும் எண்ணாதீர்கள்; அது அப்படி அல்ல.அவை உங்களது எண்ணங்களின் விளைவுகளே. பிறரைக் குறை கூறுவதில் அர்த்தமில்லை. நீங்கள் இறைவன் பால் அன்பை வளர்த்துக் கொண்டீர்கள் என்றால், அந்த அன்பே அனைத்து துக்கங்கள் மற்றும் தீய இயல்புகளான பற்றுதல், கோபம் மற்றும் பொறாமையை விலக்கி விடும். ஒருவர் உலகியலான படிப்பு மற்றும் ஆன்மீகக் கல்வி என்ற இரண்டையும் பயில வேண்டும். இயற்கையும், இறைவனின் வெளிப்பாடே என்பதை நீங்கள் உணர வேண்டும். இயற்கையைப் புறக்கணிக்கக் கூடாது.இயற்கையே காரியம், இறைவனே காரணம். இவ்வாறு, நீங்கள் இந்த ப்ரபஞ்சத்தில் அங்கிங்கெனாதபடி எங்கும் நிறைந்திருக்கும் தெய்வீகத்தை உணர வேண்டும்.