சத்தியத்தின் கட்டுப்பாட்டில், நீங்கள் கவனக் குறைவாக இருந்தால், தர்மத்தால் உங்களுக்குக் கொடுக்கப் படும் ஒவ்வொரு கடமையும், தர்மத்தால் உந்தபடுகின்ற ஒவ்வொரு செயலும் உங்களது கழுத்தில் ஒரு சுமையாகவே தொங்கிக் கொண்டே இருக்கும்.எனவே,உங்களது அன்றாட வாழ்க்கையில், இந்த அனைத்து நிகழ்வுகளின் பின்னால் இருக்கும் சத்தியத்தை நீங்கள் தேட வேண்டும்; அந்தத் தேடல் தார்மீக செயல்களான உங்களது அனைத்து கடமைகளையும் எளிதானதாகவும், இனிமையானதாகவும் ஆக்கி விடும். இறைவன் மனிதர்களை, அவர்கள் இறைவனைச் சார்ந்து இருப்பவர்களாகவும், தங்களது திருஷ்ட்டி விசாலமாகும் போது குதூகலம் அடைபவர்களாகவும், அவர்கள் நல்லொழுக்கமும், நன்னடத்தையும் கொண்டவர்களாக இருக்கும் போது மகிழ்ச்சி அடைபவர்களாகவும், வடிவமைத்துள்ளான். எனவே, மனிதர்கள், தங்களது அடிப்படை இயல்பைப் பற்றி ஒழுகுவதன் மூலமும், பரப்பிரம்மத்தின் மீது மனதைக் குவித்து, விடாமுயற்சியுடன் சத்தியத்தை வளர்த்துக் கொண்டு, தர்மத்தைத் தீவிரமாகக் கடைப்பிடிப்பதன் மூலமும், அவர்களது சொந்த நலன்களுக்கே உறுதுணையாக இருக்க வேண்டும்.