இறைவன் மனிதர்களுக்கு எவ்வளவு ஆற்றல்களை அளித்திருக்கிறான் என்று எண்ணிப் பாருங்கள்.அந்தத் திறன்களைக் கொண்டு நான்கு விதமான புருஷார்த்தங்களை( தர்ம, அர்த்த, காம, மோக்ஷ) நாடுங்கள்.இறைவனது பாதையில், சத்தியத்தை உறுதியாகப் பற்றிக் கொண்டு முன்னேறுங்கள். அதுவே, பரிசாக அளிக்கப் பட்ட ஆற்றலின் குறிக்கோளாகும்.கண் பார்வையைப் பரிசாகப் பெற்றவர்களே, பொருட்களைக் காண முடியும்; கண் பார்வை அற்றவர்களுக்கு, அந்த அதிர்ஷ்டம் இல்லை. அதைப் போலவே, சத்தியத்தைப் பரிசாகப் பெற்று, நான்கு விதமான புருஷார்த்தங்களை, தர்மத்தைக் கடைப்பிடித்துக் கொண்டு நாடுபவர்கள் மட்டுமே இறைவனைக் காண முடியும்; மற்றவர்கள் எல்லாம் குருடர்களே. இறைவனும் கூட மனிதர்களுக்கு, அவர்களது புத்தி மற்றும் பகுத்தறிவை வளர்த்துக் கொள்வதற்குத் தேவையான உபகரணங்களை அளித்துள்ளான். அவர்கள் அவற்றை நன்றாகப் பயன்படுத்தி, தங்களுள்ளேயே இறைவனைக் காண முயல்வார்களேயானால், இறைவனும் புதிய திறன்களையும், புதிய சக்தியின் ஆதாரங்களையும் அவர்களுக்கு அளித்திடுவான்; ஏனெனில், போராடி முயல்பவர்களின் பால் அவன் அருளே நிறைந்தவனாக இருக்கிறான். மனிதர்கள் தர்மத்தைக் கடைப்பிடிக்க விழைவார்களேயானால், சத்தியமும் அவர்களுக்கு, தன்னை வெளிப்படுத்திக் கொள்ளும்.