பல மந்த புத்தி உள்ள நவீன காலத்தவர்கள், ஒரு கோவிலைச் சுற்றி இருக்கும் அனைத்து கட்டுமானங்கள் மற்றும் கட்டுப்பாடுகள், சம்பிரதாயங்கள் மற்றும் சடங்குகள் ஆகியவற்றின் குறிக்கோளைப் பற்றிக் குழப்பமடைகிறார்கள். அவர்களால் எந்த விதமான பதிலின் முக்கியத்துவத்தையும் புரிந்து கொள்ள இயலவில்லை ,ஏனெனில், அது அவர்களது குறுகிய புத்திக்கு அப்பாற் பட்டதாக இருக்கிறது.அதிக ஜூரத்தில் இருக்கும் ஒரு நோயாளிக்கு, இனிப்பு கூட கசப்பாக இருக்கும்;அதைப் போலவே, உலகியலான பற்றுதல் என்ற ஜூரத்தால் பீடிக்கப் பட்டிருப்பவர்களால், சத்தியத்தின் இனிமையைச் சுவைக்க முடியாது.இந்த ஜூரம் குறைய வேண்டும்; அப்போது தான் அவர்கள் ஆத்ம தத்துவத்தைப் பற்றிய விஷயங்களின் மதிப்பை உணர முடியும். அதைப் போலவே, இறைவனை சரணாகதி அடைவதால் கிடைக்கும் இனிமையை உங்களுக்கு நீங்களே மறுத்து விட்டு,பைத்தியக்காரனைப் போல புனிதத் தலங்கள், யோகிகள் மற்றும் புனித நதிகள் ஆகியவற்றைச் சுற்றித் திரிந்தால், உங்களுக்கு யார் தான் உதவ முடியும்? ஒரு சிறிதளவேனும் பக்தியை வளர்த்துக் கொள்ளுங்கள் ! இந்த மாயையிலிருந்து விழித்துக் கொள்வதற்கு உங்களுக்கு அது ஒன்றே போதும்! உங்களுள் உறையும் இறைவன் என்ற சொந்த வீட்டிற்குத் திரும்பினால் மட்டுமே நீங்கள் மனச்சாந்தியை அடைய முடியும் என்பதை பக்தி உங்களுக்கு கற்றுத் தரும். அது வரை, சொந்த இல்லத்தில் இல்லையே என்ற ஏக்கங்கள் உங்களை வாட்டிக் கொண்டு தான் இருக்கும் !