இன்று புத்தாண்டு தினம் என்று ஒவ்வொருவரும் உற்சாகம் அடைகிறார்கள்.ஒரு உண்மையான பக்தனுக்கு ஒவ்வொரு நாளும் பண்டிகையே.ஒவ்வொரு நிமிடத்தையும், ஒவ்வொரு நாளையும், புதியதாகக் கருதி, சந்தோஷத்தில் வாழுங்கள்.அனைத்து தலை சிறந்த ஆண்களும், பெண்களும்,மனித குலத்திற்கு சேவை ஆற்றுவதன் மூலமே, தங்களது வாழ்க்கைகளை புனிதமாக்கிக் கொண்டுள்ளனர்.கஷ்ட காலங்களில் மனிதர்களுக்கு உதவுவது மட்டும் தான் சேவை என்பதல்ல. மனித உடலின் ஒவ்வொரு அங்கமும் இறைவனை சேவை மூலம் வந்திப்பதற்காகவே ( கர்மோபாஸனா), இறைவனால் கொடுக்கப் பட்டுள்ளன. மனித வாழ்க்கையை புனிதப் படுத்துவதற்கான ஒரே வழி கர்மோபாஸனமே. எனவே, தன்னலமற்ற சேவையை ஆற்றுங்கள்; நீங்கள் நல்ல காரியங்களைச் செய்யும் போது, நீங்கள் வாழ்க்கையில் சாந்தியை அனுபவிப்பீர்கள். நற்குணங்களை வளர்த்துக் கொண்டு,தியாகங்கள் செய்வதற்கு உங்களை தயாராக்கிக் கொள்ளுங்கள்.தியாகம் நிரந்தர ஆனந்தத்தை அளிக்கிறது. உங்களது கல்வியையும், செல்வத்தையும் ,சக மனிதர்களோடு பகிர்ந்து கொள்ளுங்கள். உண்மையில் இறைவனே உங்களது வருமானங்களின் சொந்தக்காரன். இறைவனது அறங்காவலனாக, உங்களது வருமானங்களை முறையாகப் பயன்படுத்துங்கள். இறைவன் எப்போதும் உங்களுடனேயே இருக்கிறான் என்ற நம்பிக்கையுடன் இடையறாது இறைவனை தியானித்து, உங்களது தீய குணங்களை வெல்லுங்கள்.