மனிதர்கள் கண்,காது மற்றும் நாக்கிற்கு இடையறாத நூதன சௌகரியங்களைக் கற்றுக் கொடுத்து விட்டார்கள். இப்போது அதற்கு எதிர் மறையானவற்றைச் செய்யுங்கள். உங்கள் மனதை நல்லவற்றை நோக்கித் திருப்பி,ஒவ்வொரு நிமிடத்தின் செயல்களையும் ஆராயுங்கள். ஒவ்வொரு செயலும், மனித இயல்பு என்ற கல்லைச் செதுக்கும் ஒரு உளி அடியாகும். தவறான ஒரு செதுக்குதல் கல்லையே சிதைத்து விடக் கூடும். எனவே, மிகச் சிறிய காரியத்தைக் கூட மிகுந்த கவனம் மற்றும் பக்தியுடன் செய்ய வேண்டும். மூழ்கிக்கொண்டு இருக்கும் ஒருவருக்கு ஒரு புல் கூட சிறிதளவு உதவியாகத் தெரியும்.அதைப் போலவே, சம்ஸ்காரம் எனும் சாகரத்தில் மூழ்கித் தத்தளிக்கும் ஒருவருக்கு, சில கனிவான வார்த்தைகள் கூட பெரிய உதவியாக இருக்கும்.எந்த ஒரு நல்ல செயலும் வீணானதல்ல; ஒவ்வொரு தீய செயலுக்கும் விளைவுகள் உண்டு. எனவே, தீய செயலின் ஒரு சிறு சுவடு கூட இல்லாமல் பார்த்துக் கொள்ளுங்கள். உங்கள் பார்வைகளைத் தூய்மையானதாக வைத்துக் கொள்ளுங்கள்.உங்கள் செவிகளை இறைவனது மகத்துவத்தைப் பற்றிய கதைகளால் நிரப்புங்கள்; அவற்றை ஒருபோதும் அவதூறுகளைக் கேட்க அனுமதிக்காதீர்கள்.உங்கள் நாவை நல்ல, இதமான மற்றும் உண்மையான வார்த்தைகளைப் பேசுவதற்குப் பயன்படுத்துங்கள்.அது உங்களுக்கு இறைவனை எப்போதும் நினைவு படுத்திக் கொண்டே இருக்கட்டும். இப்படிப்பட்ட இடையறாத முயற்சி உங்களுக்கு வெற்றி அளிக்கும்.