மனிதர்கள் தங்களுக்குள் பலவித சுயநலமான பழக்கங்கள் மற்றும் இயல்புகளை வளர்த்துக் கொள்வதன் மூலம், தங்களுக்கே, மிகுந்த அதிருப்தியை வளர்த்துக் கொள்கிறார்கள். இதற்கான உந்துதல்,பதவி, அதிகாரம் மற்றும் பலம் ஆகியவற்றைக் குவித்துக் கொள்வதற்கான பேராசையால் ஆன ஆதிக்க மனப்பாங்கிலிருந்து வருகிறது ! பொருட்களின் மீதான பேராசை, நிரந்தரமானதாகவோ , முழுமையாகவோ ஒருபோதும் இருக்க முடியாது; உண்மையில் எவராலும் தங்களது ஆசைகளை முழுமையாகத் திருப்திப் படுத்த முடியாது.ஒருவர், தான் அனைத்து கலைகளையும் கற்றுத் தேர்ந்து விட்டதாகவும்,அனைத்து செல்வங்களையும் பெற்று விட்டதாகவும், அனைத்து ஞானத்தையும் பெற்றவராகவோ அல்லது அனைத்து சாஸ்திரங்களின் களஞ்சியமாக ஆகி விட்டதாகவோ பெருமிதம் கொள்ளக் கூடும்; ஆனால் இவற்றை எல்லாம் எவரிடமிருந்து அவர் பெற்றார்? நீங்கள் இவை அனைத்தையும் உங்களது முயற்சி மற்றும் உழைப்பால் பெற்று விட்டதாக நினைக்கக் கூடும்.அனைத்து அதிகாரம், திறன், சக்தி மற்றும் பலமும் தோன்றும் மூலாதாரம், அனைத்திற்கும் அதிபதியான அந்த இறைவனே. இறைவனது ஸர்வவல்லமையை உதாசீனப்படுத்தி விட்டு, தான் பெற்ற ஒரு சிறிய பெருமையே,தலை சிறந்தது என்று மயங்குவது, உண்மையில் வெறும் சுயநலம்,தற்பெருமை மற்றும் அஹங்காரமாகும். ஒரு உண்மையான ஆன்மீக சாதகனை சத்தியம், கனிவு,அன்பு,பொறுமை,சகிப்புத் தன்மை மற்றும் நன்றியுணர்ச்சி போன்ற குணநலன்களின் மூலம் இனம் கண்டு கொள்ளலாம்.இவை இருக்கும் அடத்தில் அஹங்காரம் இருக்க முடியாது, அதற்கு இடமே இல்லை. எனவே, இவற்றை வளர்த்துக் கொள்ள விழையுங்கள்.