கடந்த, இன்றைய, எதிர் காலங்களிலும், பெண்மணிகளே ஒரு நாட்டு முன்னேற்றத்தின் முதுகெலும்பாகவும், அதன் இதயமாகவும் திகழ்கின்றனர். உண்மையில் அவர்களே அதன் உயிர் மூச்சு போன்றவர்கள். புனித்துவத்தில் தோய்ந்த அவர்கள் வாழ்க்கை தர்மத்தின் தலைமைப் பொறுப்பை ஏற்றுள்ளார்கள். அதன் பெண்மணிகளின் கலாசாரத்தைப் பேணாது, எந்த நாட்டையும் நிர்மாணிக்க இயலாது.பெண்மணிகள் ஆத்ம வித்யாவில் தேர்ச்சி அடைந்தால் மட்டுமே,இந்த உலகை அதன் தலைசிறந்த நிலைக்கு உயர்த்த முடியும்.ஒரு நாடு நிலையான சாந்தி,சௌக்கியங்களைப் பெற வேண்டும் என்றால்,நன்னடத்தை மற்றும் நல்லொழுக்க நெறிகளை வலியுறுத்தும் கல்வி முறையில் பெண்களுக்குப் பயிற்சி அளிக்கப் பட வேண்டும். ஒவ்வொரு பெண்ணும் குடும்பம், சமூகம் மற்றும் நாடுகளின் பிரச்சனைகளைப் புரிந்து கொள்ளுமாறு செய்ய வேண்டும். அவள், தன்னால் எந்த அளவு முடியுமோ, தனது திறன் மற்றும் வளங்களுக்கு ஏற்றவாறு,குடும்பம், சமூகம், மற்றும் நாட்டிற்குச் சேவை மற்றும் உதவி செய்ய வேண்டும். இன்றைய நல்லொழுக்கங்களின் சரிவிற்கும், சமூக சாந்தியின்மைக்கும், பெண்களின் இந்தக் கல்வி அம்சத்தை உதாசீனப் படுத்தியதே காரணமாகும்.