நீங்கள் ஒரு மெழுகுவர்த்தியிலிருந்து ஆயிரம் விளக்குகளை ஏற்ற முடியும். எரிந்து கொண்டு இருக்கும் ஒரு விளக்கோ அல்லது மெழுவர்த்தியோ தான் மற்ற எரியாத மெழுவர்த்திகளை ஏற்ற முடியும் என்பதை நினைவில் கொள்ளுங்கள். எரியாத ஒரு மெழுவர்த்தி, மற்ற எரியாத மெழுவர்த்திகளை ஏற்ற முடியாது. அதைப் போலவே, ஞானம் பெற்ற ஒருவர் மட்டும் தான், அறியாமையில் இருப்பவர்களுக்கு அறிவூட்ட முடியும்.மாயை எனும் இருட்டில் உழலும் மற்றவர்களுக்கு, தானே ஞான ஒளி பெறாத ஒருவர், அவர்களுக்கு அந்த ஒளியைத் தர இயலாது. எனவே, நீங்கள் அந்த சச்சிதானந்தப் பேரோளியிலிருந்து உங்களது விளக்கை முதலில் ஏற்றுக் கொண்டு, அங்கிருந்து, அதை நாடி, அதற்காகப் பாடுபவர்களுக்கு, அந்த ஒளியை அனுப்ப வேண்டும்.இறைவன் எனும் பரம ஜோதியின் ஒளிக் கீற்றுக்களாக இருப்பதால் அனைத்து விளக்குகளும் ஒரே மாதிரியாகத் தான் ஒளிர் விடுகின்றன. விளக்குகள் பலவாக இருக்கலாம், ஆனால் ஜோதி ஒன்று தான். பூமியில் இருக்கும் ஒவ்வொரு நீர்ப்பரப்பும் சூரியனைப் பிரதிபலிக்கலாம், ஆனால் சூரியன் ஒன்று தான். எவ்வாறு ஒரே சூரியன் லக்ஷக் கணக்கான பானைகள், ஏரிகள் அல்லது குளங்களில் ஒளிர் விடுகிறதோ, அவ்வாறே அந்த ஒரே ஒரு பரம ஜோதியான இறைவனே, கோடிக்கணக்கான இதயங்களில் ஞானமாக ஒளிர் விடுகிறான்.