தூய இதயங்களுடன், தூய்மையான பணிகளில் உங்களை ஈடுபடுத்திக் கொண்டு, ஒரு நல்ல பெயரை எடுங்கள்.நீங்கள் எனக்கு அர்ப்பணிக்க வேண்டியதெல்லாம் நீங்கள் ஈட்டிய நற்பெயரையே.இதுவே உங்களது நன்றியின் மிக உயர்ந்த வெளிப்பாடாகும்.எந்த ஒரு சந்தர்ப்பத்திலும் நீங்கள் கெட்ட பெயரைக் கொண்டு வரக் கூடாது. உங்களால் மற்றவர்களுக்கு உதவி செய்ய முடியாமல் போனாலும், பிறருக்குத் தீங்கிழைக்காதீர்கள். மாணவர்களும், அனைத்து ஆன்மீக சாதகர்களும், மற்றவர்கள் அவர்களுக்குச் செய்த நன்மைக்கான நன்றி உணர்வைத் தங்கள் இதயத்தில் போற்றிக் காத்து, அவர்கள் செய்த உதவி எப்படிப் பட்டதாக இருந்தாலும் அதை எப்போதும் நினைவில் கொள்ள வேண்டும். இப்படிப் பட்ட நன்றியுணர்வுடன் வாழ்க்கை நடத்துபவர்களே, தங்களது வாழ்க்கையில் சாந்தி,சந்தோஷங்களைக் காண முடியும். நீங்கள் அனவரும், இடையறாது இறைவனை தியானித்து,சமூக சேவை ஆற்றி, இலட்சியமான குடும்ப வாழ்க்கையை நடத்தி, சாந்தி சந்தோஷங்களை அனுபவிக்க வேண்டும் என நான் விரும்புகிறேன்.உங்கள் அனைவருக்கும் இதுவே எனது ஆசிகள்.