சிலர்,''அடக்கத்தை மீறுவதால் தோன்றும் குற்ற உணர்வுகளை எல்லாம் முழுங்கி விட்ட பெண்கள் தான் இன்று மதிக்கப் படுகிறார்கள் ! அவர்கள் தலை நிமிர்ந்து நடக்கிறார்கள்; இந்த உலகம் அதற்காக அவர்களை ஒரு இம்மி அளவு கூட குறைவாக மதிப்பதில்லை.அப்படி இருக்கும் போது, அடக்கம் எப்படி அவ்வளவு முக்கியமானதாக இருக்க முடியும்?'' என்று கேட்கக் கூடும். இன்றைய உலகின் இப்படிப் பட்ட நடவடிக்கைகளைப் பற்றித் தெரிந்து கொள்ள வேண்டிய அவசியம் எனக்கு இல்லை.நான் அவற்றைப் பற்றிக் கவலைப் படுவதும் இல்லை. அவர்கள் ஒரு விதமான மதிப்பு மற்றும் மரியாதையைப் பெறக் கூடும்; ஆனால், அப்படிப் பட்ட மரியாதை விதிக்கப் பட்டதும் அல்ல,தகுதியானதும் அல்ல. தகுதியற்றவர்களுக்கு மதிப்பு அளிக்கப் படுவது, அவமதிப்பதற்கு சமானமாகும்;அளிக்கப் படும் போது அதை ஏற்றுக் கொள்வது, அந்தப் பரிசையே, இழிவு படுத்துவது போலாகும். அது ஒரு மதிப்பே அல்ல; ஆனால் சுயநலமும் ,பேராசையும் கொண்டவர்களால், அடக்கமற்றவர்களுக்கு செய்யப் படும் முகஸ்துதியாகும். ஒரு அடக்கமுள்ள பெண் புகழ்ச்சிக்கோ அல்லது மரியாதைக்கோ ஒரு போதும் ஏங்கமாட்டாள். அவளது கவனம் எல்லாம் அவள் மீறக் கூடாத வரை முறைகளின் மீதே இருக்கும். மதிப்பும், மரியாதையும் எந்த விளம்பரமும் இன்றி , கேட்காமலேயே அவளுக்குக் கிடைக்கும். மலரிலோ அல்லது தாமரையிலோ இருக்கும் தேன், தேனீக்களுக்காக ஏங்குவதில்லை. தனது வரம்புகளை உணர்ந்த கலாசரமுள்ள பெண்ணுக்கும், அவளுக்குக் கிடைக்கும் தகுதியான மதிப்பு, மரியாதைக்கும் உள்ள சம்பந்தமும் அப்படிப் பட்டதே.