மாவீரன் அலெக்ஸாண்டர் உலகில் பெரும்பாலான பகுதிகளை வென்றிருந்த போதும், அவனால் , அவன் வெற்றி அடைந்தவற்றிலிருந்து ஒரு இம்மி அளவு கூட எடுத்துச் செல்ல இயலவில்லை. அவன் வெறும் கைகளோடு தான் இந்த உலகை விட்டுச் சென்றான். இந்த உண்மையை உலகிற்கு உணர்த்தும் பொருட்டு, அவன், தனது மந்திரிகளை,அவன் இறந்த பிறகு, அவனது சடலத்தை, அவனது இரண்டு கரங்களும் உயர்த்திய நிலையில் வானத்தை நோக்கி இருக்குமாறு வைத்து, அவனது தலைநகரின் வீதிகளில் ஊர்கோலமாக எடுத்துச் செல்லுமாறு கட்டளை இட்டான். அவனது மந்திரிகள் இப்படிப் பட்ட விசித்திரமான வேண்டுகோளுக்கான காரணத்தைக் கேட்டபோது,சக்ரவர்த்தி அலெக்ஸாண்டர், ''நான் பல நாடுகளை வென்றேன், அளவற்ற செல்வத்தை ஈட்டினேன் மேலும் ஒரு மாபெரும் ராணுவத்தை நிர்வகித்தேன். இருந்தாலும்,இப்போது நான் வெறும் கைகளுடனேயே போகிறேன்- இந்த உண்மையை ஒவ்வொருவருக்கும் எடுத்துக் காட்டுவதற்காகத் தான் '' என்று கூறினான்.நீங்கள் பெரும் செல்வத்தை ஈட்டுவதற்கு அரும்பாடு படுவதில் அதிக நேரத்தைச் செலவிடலாம்.இருந்தாலும், நீங்கள் இந்த உடலை விட்டுப் போகும் போது, ஒரு கைப்பிடி அளவு மண் கூட உங்களுடன் வராது. எனவே, இப்போதாவது, நீங்கள் தெய்வீகமானவர்கள் என்ற உண்மையை ஏற்றுக் கொண்டு,உங்களைச் சுற்றி இருக்கும் ஒவ்வொருவரிலும் உள்ள அதே தெய்வீகத்தையும் போற்றுவதற்குப் பாடுபடுங்கள்.