உங்களுக்கு இறைவன் பால் அபரிமிதமான நம்பிக்கை இருக்கலாம்.ஆனால் அவ்வப்போது, மாயையின் சக்தி இந்த நம்பிக்கையை குலைக்கக் கூடும். எனவே, கவனத்துடன் இருங்கள்.மஹாபாரத்தில்,ஸ்ரீகிருஷ்ணரின் தீவிர பக்தர்களான, தர்மபுத்திரர் மற்றும் அர்ஜூனன் கூட ஸ்ரீகிருஷ்ணரின் அறிவுரைப் படி நடப்பதில் தயக்கம் காட்டினார்கள்;அவர்களது கடமைகளைப் பற்றி, முறையே, பீஷ்மர் மற்றும் திரௌபதியைக் கொண்டு நினைவூட்ட வேண்டியதாகி இருந்தது.இறைவன் பால் கொண்ட நம்பிக்கையில் ஒருபோதும் தடுமாற்றம் இருக்கக் கூடாது.எந்த ஒரு சந்தர்ப்பத்திலும், இறைவனது ஆணைகளுக்கு எதிராக எவரும் செல்லக் கூடாது.ஒருவர் எப்படிப் பட்ட வழிபாட்டைச் செய்தாலும்,எவ்வளவு தீவிரமாக ஒருவர் தியானம் செய்தாலும், ஒருவர் இறைவனது ஆணைகளை மீறுவாரேயானால், இந்த வழிபாடுகள் அனைத்தும் வீணே.இதற்குக் காரணம் என்ன என்றால் இறைவனுக்கு சுயநலமான நோக்கங்களோ அல்லது குறிக்கோள்களோ கிடையாது.சின்னத்தனமான,குறுகிய மற்றும் சுயநலமான உள் நோக்கங்களின் காரணத்தால் தான் மனிதர்கள் இறைவனது புனிதமான மற்றும் சீரிய ஆணைகளுக்கு எதிராகச் செயலாற்றுகின்றனர். சிறிய ஆணை மீறல்கள் கூட , காலப்போக்கில் அபாயகரமானவைகளாக உருவெடுக்கக் கூடும்.