நிலையற்ற இந்த உலகில்,சுக, துக்கங்களில் சிரமத்துடன் நடந்து செல்லும் மனிதர்களுக்கு,அவர்களது உணர்வுகளைத் தெரிவிக்கவும், அவர்களது கண்டு பிடிப்புகள் மற்றும் மன அழுத்தங்கள், அவர்களது சந்தோஷம் மற்றும் துக்ககரமான தருணங்கள் ஆகியவற்றைப் பகிர்ந்து கொள்ளவும்,சத்தியம் மற்றும் சாந்திக்கான கரடு முரடான பாதையில் அவர்கள் செல்லும்போது அவர்களது பக்கத்தில் கூட இருப்பதற்கும்,தங்கள் இனத்தவரான யாரோ ஒருவரின் தேவை இன்றியமையாததாகிறது.ஆனால் இன்றைய நட்பு மற்றும் நண்பர்கள், இப்படிப் பட்ட இலட்சியத்திலிருந்து வெகு தூரத்தில் இருக்கின்றனர்.உண்மையான ஆலோசனை,ஆதரவு மற்றும் ஆறுதல் அளிக்க வல்ல நண்பர்களைக் காண்பது அரிதாகவே இருக்கிறது.நட்பு நீடிக்க வேண்டும் என்றால், இதயம் ,இதயத்தைப் புரிந்து கொள்ள வேண்டும், இதயம் இதயத்தைத் தன் பால் ஈர்க்க வேண்டும்.சூழ்நிலைகள் எவ்வாறாக இருந்தாலும்-நஷ்டமோ, லாபமோ,துக்கமோ,சுகமோ,நல்ல நேரமோ,கெட்ட நேரமோ- நட்பு என்பது இரண்டு இதயங்களையும் இணைத்து, இருவருக்கும் நன்மை பயக்க வேண்டும். நட்பின் இந்தப் பிணைப்பு, விதியின் எல்லாத் தாக்குதல்களிலும் மீண்டு வந்து, கால, தேச, வர்த்தமானங்களால் பாதிக்கப் படாததாக இருக்க வேண்டும். ஒவ்வொருவரின் நம்பிக்கையும், நாணயமும், மற்றவரைப் பாதுகாப்பதில் இருக்க வேண்டும்.