படிப்படியாக, நீங்கள் பாதையின் முடிவை அடைகிறீர்கள். ஒரு செயல் மற்றொன்றைத் தொடர்ந்து சென்று நல்ல பழக்கத்திற்கு இட்டுச் செல்கிறது. திரும்பத் திரும்பக் கேட்பது உங்களை செயலாற்ற உந்துகிறது. செயலாற்ற முடிவு எடுத்து,நல்லவர்களின் நட்பு வட்டத்தில் மட்டுமே இருந்து,உயர் நிலைக்கு இட்டுச் செல்லும் புத்தகங்களை மட்டுமே படித்து, இறை நாமஸ்மரணையை ஒரு பழக்கமாக ஆக்கிக் கொண்டு இருந்தீர்களானால், அறியாமை தானாகவே மறைந்து விடும். ஆனந்த ஸ்வரூபனான இறைவனை தியானிப்பதால் உங்களுள் பொங்கி வரும் தெய்வீக ஆனந்தம் அனைத்து துக்கங்கள் மற்றும் கவலைகளை விரட்டி விடும். ஆனந்தத்தையும், சந்தோஷத்தையும் வளர்த்துக் கொள்ளுங்கள், பின்னர்,இதயத்தில் இடம் பிடிக்க இயலாததால், தீய உந்துதல்களும், மனப்பாங்குகளும் மறைந்து விடும். ஒளியை நோக்கி நீங்கள் சென்றால், நிழல் பின்னால் விழுகிறது; அதிலிருந்து விலகிச் சென்றால், நீங்களே உங்கள் நிழலைத் தொடர வேண்டி வருகிறது. ஒவ்வொரு தருணத்திலும், இறைவனை நோக்கி ஒரு அடி எடுத்து வையுங்கள், பின்னர் மாயை எனும் நிழல் பின் தங்கி உங்களை ஒரு போதும் மயக்கத்தில் ஆழ்த்தாது.நிலையாகவும், த்ருட ஸங்கல்பத்துடனும் இருங்கள்.