அர்த்தமற்ற பல தேடுதல்களில் நீங்கள் அதிகமான நேரத்தை வீணடித்துக் கொண்டு இருக்கிறீர்கள். காலத்தை வீணடிப்பது, வாழ்க்கையையே வீணடிப்பது போலாகும். நமது மூதாதையர்கள் ஒரு நிமிடத்தைக் கூட, ஒருபோதும் வீணடித்தில்லை. அவர்கள் இறைவனை காலஸ்வரூபனாகக் கருதி அவனை இவ்வாறு போற்றினார்கள்- காலாய நம:, கால காலாய நம:, காலாதீதாய நம:, கால நியமிதாய நம:. (காலஸ்வரூபனாகவும், காலத்தை வென்றவனாகவும், காலத்திற்கெல்லாம் அப்பாற் பட்டவனாகவும், காலத்தையே நியமித்தவனாகவும் இருக்கும் உன்னைப் போற்றி வணங்குகிறேன் ). காலமே உண்மையில் இறைவன் என்ற உண்மையை ஏன் மறந்து விட்டீர்கள்? ஓய்வெடுக்கவும்,கேளிக்கைகளை அனுபவிக்கலாம் என்றும் எண்ணிக் கொண்டு ஞாயிற்றுக் கிழமையை ஆவலுடன் எதிர் பார்த்து இருக்கிறீர்கள். உண்மையில் எந்த வேலையும் செய்யாமல், ஞாயிற்றுக் கிழமையில் நேரத்தை நீங்கள் வீணடிக்கிறோமே என்று துக்கப் பட வேண்டும். நீங்கள் உங்கள் நேரத்தை சரியான வழியில் பயன்படுத்த வேண்டும். உங்களுக்கு எந்த வேலையும் இல்லா விடில்,சமூக சேவையில் ஈடுபடுங்கள்.உங்களது சக மனிதர்களுக்கு உதவுங்கள். நேரத்தை சரியான வழியில் நீங்கள் பயன்படுத்தினால் மட்டுமே, வாழ்க்கை அர்த்தமுள்ளதாக இருக்கும்.