இந்த நான்கு கேள்விகளில் ஒவ்வொருவரும் தங்கள் கவனத்தைச் செலுத்த வேண்டும்; '' நான் யார்? நான் எங்கிருந்து வந்தேன்? நான் எங்கு செல்கிறேன்? இங்கு நான் எவ்வளவு காலம் இருப்பேன்? ''அனைத்து ஆன்மீக பரிசோதனைகளும் இந்த நான்கு கேள்விகளிலிருந்து தான் ஆரம்பிக்கின்றன. நான்கு வேதங்களும் இதற்கான பதிலை உங்களுக்கு அளிக்கின்றன ! அனுப்புவர் மற்றும் பெறுபவரின் விலாசத்தை எழுதாமல் நீங்கள் ஒரு கடிதத்தை தபால் பெட்டியில் போடுவீர்களா?நீங்கள் அப்படிச் செய்தால், அந்தக் கடிதம் எங்கும் போகாது; அந்தக் கடிதத்தை சிந்தித்து எழுதியதற்கு எடுத்துக் கொண்ட முயற்சி எல்லாம் வீணாகி விடும்! அதைப் போலவே, எங்கிருந்து வந்தோம், எங்கு போகப் போகிறோம் என்பதை அறியாது இருப்பது, இந்த உலகில் வந்ததற்கான அரிய வாய்ப்பை வீணடிப்பது போலாகும். எவ்வாறு விலாசம் இல்லாத கடிதம் டெட் லெட்டர் அலுவலகத்திற்குப் போய் சேருமோ,திசை அறியாத தனி மனித ஜீவன் இந்த பிறப்பு, இறப்பு என்ற சூழலில் நிரந்தரமாக மாட்டிக் கொண்டு இருப்பான்!இந்த நிலையைத் தவிர்ப்பதற்கு ஆன்மீகக் கட்டுப்பாடுடன் கூடிய ஆத்ம விசாரம் இன்றியமையாததாகும்; அதற்கு முக்கியத்துவம் அளிக்க வேண்டும்.பின்னர், பதில்கள் தானாகவே, அனுபவங்களாக உங்களை வந்தடையும்.