மனிதர்கள் அனுபவிக்கும் சுக, துக்கங்கள் அவர்களது சொந்த செயல்களின் பலன்களே அன்றி, இறைவனது எந்தச் செயலாலும் அல்ல.இறைவன் வெறும் சாக்ஷிபூதமே, ஒரு தபால்காரரைப் போன்றவனே! உங்களது விலாசம் இருக்கும் கடிதங்களை உங்களுக்கு அளிக்கிறார்.அந்தக் கடிதங்களில் உள்ளவற்றால் நீங்கள் பெறும் சுக துக்கங்கள் உங்களுக்கானவையே!அதைப் போலவே, ஒருவர் அனுபவிக்கும் துன்ப, இன்பங்கள் ஒருவரது தீய அல்லது நல்ல செயல்களின் விளைவுகளே !இருந்தாலும்,நீங்கள் தூய இதயத்துடனும், சுய நலத்தின் எந்தச் சுவடும் இன்றியும், புனிதமான உணர்வுகளுடனும், இறைவனைப் பிரார்த்தித்தால், அவன் தனிப்பட்ட அருளைப் பொழிகிறான்! அதைப் போலவே, ஒருவர் முற்பிறவியிலோ அல்லது முந்தைய காலத்திலோ விசேஷமான தியாகத்தைச் செய்திருப்பாரேயானால், இறைவன் அதற்கான தகுந்த பரிசைத் தக்க நேரத்தில் அளித்திடுவான்.பகவான் ஸ்ரீகிருஷ்ணர், திரௌபதியை ,துரியோதனன் துகிலுரிய முயன்ற போது அவளது புடவையை முடிவே இல்லாததாக ஆக்கி, அவளைக் காத்தார். இது, ஸ்ரீகிருஷ்ணரின் விரலில் காயம் ஏற்பட்ட போது, இரத்தம் கொட்டியதைத் தடுக்க, தனது புடவையைக் கிழித்து உடனேயே திரௌபதி செயல்பட்டதற்கான ப்ரதி உபகாரமாகும்.