'' குரு '' என்ற வார்த்தையின் உண்மையான அர்த்தம்,''குணங்களுக்கும், ரூபங்களுக்கும் அப்பாற்பட்ட பரப்ரம்மம் '' என்பதே ஆகும். இந்த பரப்ரம்மம் உங்களுள்ளேயே இருக்கும் போது, குருவைத் தேடி அலைய வேண்டிய அவசியம் என்ன? மற்றவர்களுக்கு கற்பிக்கும் ஒரு ஆசிரியருக்கும், ஒரு ஆசிரியர் இருந்தே ஆக வேண்டும்.அவருக்கு மேல் ஒரு குருவும் இல்லாதவரே உண்மையான குரு.குருவை, ப்ரம்மா, விஷ்ணு, மஹேஸ்வரன் மற்றும் பரப்ரம்மம் என்று போற்றும் சம்ஸ்க்ருத ஸ்லாகம் தவறாக அர்த்தம் செய்து கொள்ளப் படுகிறது. ப்ரம்மா, விஷ்ணு, மஹேஸ்வரனே குரு எனக் கருதுவதே சரியான அணுகுமுறை. இந்த மூன்றும், மூன்று குணங்களைக் குறிக்கின்றன; ப்ரம்மா ரஜோ குணத்தையும் ,விஷ்ணு ஸத்வ குணத்தையும், சிவன் தமோ குணத்தையும் குறிக்கின்றன.இந்த ப்ரபஞ்சம் அனைத்தும் இந்த மூன்று குணங்களால் ஆக்கப் பட்டவை; இந்த மூன்று குணங்களும் உங்களுள் உள்ளன. மும்மூர்த்திகளும் இந்த மூன்று குணங்களாக ஒவ்வொரு மனித இதயத்தினுள்ளும் இருக்கின்றனர்.எனவே, உங்களுக்கு நீங்களே குரு. நீங்கள் அவரை எங்கும் தேட வேண்டிய அவசியமில்லை.எல்லாக் காலங்களிலும், அனைவருள்ளும் கூட இருக்கும், உங்களுள்ளும் உறையும் தெய்வீகத்தை நீங்கள் உணர வேண்டும். நீங்கள் எவருக்கோ உதவும் போதோ அல்லது உணவூட்டும் போதோ, உங்களுள் உறையும் தெய்வீகம், பிறருள் உறையும் தெய்வீகத்திற்கு உதவவோ அல்லது உணவூட்டவோ செய்கிறது என்று உணர்தல் வேண்டும்.