அங்கிங்கெனாதபடி எங்கும் நிறைந்துள்ள இறைவனைத் தியானிப்பதில் ஒருவர் ஈடுபடுவதற்கு காலம் அல்லது நேரத்தில் எந்த விதமான வரம்புகளும் இல்லை.புனிதமான இடம் என்றோ அல்லது குறிப்பிட்ட நேரம் என்றோ எதுவும் இல்லை.எங்கெல்லாம் மனம் இறை தியானத்தில் திளைத்திருக்கிறதோ, அந்த இடமே புனிதத் தலம் ! எப்போது மனம் அவ்வாறு ஈடுபடுகிறதோ, அத்தருணமே மங்களகரமான நேரமாகும்! பண்டைய கால முனிவர்களும்,சாஸ்திரங்களும் கூட, இறைவனைத் தியானிப்பதற்கு என்று ஒரு குறிப்பிட்ட நேரமோ இடமோ இல்லை என்பதை நமக்குத் தெளிவாக்குகின்றன.எனவே, எந்த இடம் அல்லது எந்த நேரத்தை உங்கள் மனம் விரும்புகிறதோ, இறைவனை தியானியுங்கள் !தூய்மையான இதயம் கொண்ட கட்டுப்பாடான ஆத்மாக்களின் மூலமே உலகம் க்ஷேமம் பெற முடியும்; அவர்களே இந்த உலகத்தின் சாரம் போன்றவர்கள்.இந்த உலகின் க்ஷேமத்தை வளர்க்கும் பொருட்டு, இந்தத் தருணத்திலிருந்தே, ஆன்றோர்கள் மற்றும் புனிதமானவர்கள் தோன்றுவதற்கு ஒவ்வொருவரும் பிரார்த்தனை செய்து, சீரியவர்களின் ஆசிகளுக்கு உகந்தவர்களாக ஆக முயற்சி செய்ய வேண்டும். ஒவ்வொரு நாளும் உறங்கச் செல்லும் முன், இந்த எண்ணங்களை நினைவு கூர்ந்து, அன்றைய நாளின் துன்பங்களை மறக்க முயலுங்கள்.