உங்கள் உடல் செயல் படாமல் இருந்தாலும் கூட, மனம் தன்னுடைய சொந்த பல வேலைகளைச் செய்து கொண்டு மிகவும் சுறுசுறுப்பாக இருக்கும். இப்படிப் பட்ட மனம் படைத்த மனிதர்கள் வெகு எளிதில் விதி அல்லது கர்ம பலன்களுக்கு இரையாகி விடுகிறார்கள் !எப்போது ஒருவர் இறைச் சிந்தனையில் மனதைப் பதித்து,சத்தியத்தை நாடுகிறாரோ, அவர்களது உடலும் ,புலன்களும் உலக சேவைக்கான காரியங்களில் ஈடுபட்டுக் கொண்டு இருந்தாலும் கூட, அவர்கள் கர்ம வினையால் பாதிக்கப் பட மாட்டார்கள்; அவர்கள் செயல்களைப் புரிந்தாலும் கூட, அவற்றின் பலன்களிலிருந்து விலகி இருப்பார்கள். இதுவே ஸ்ரீமத் பகவத் கீதை போதிக்கும் பாடமாகும். மனதில் புனிதமான எண்ணங்களை வளர்த்துக் கொள்ள விழையாத ஒருவரது இதயம், கண்டிப்பாகத் தீமைகள் மற்றும் கொடூரமானவற்றின் சொர்க்கமாகும்.இதை மனதில் கொள்ளுங்கள்; நீங்கள் எங்கும் மற்றும் ஒவ்வொன்றிலும் இறைவனைக் காணும் வரை,இறை நாமத்தைத் தியானித்து, இறைநாமஸ்மரணையில் ஈடுபட்டு இருங்கள். மேலும்,பலன்கள் எப்படி இருந்தாலும், உங்களது நேரத்தை உலக சேவைக்காக அர்ப்பணியுங்கள். உங்கள் மனம் உணர்ச்சி அலைகள் இன்றியும், தெய்வீகம் நிரம்பியும் இருக்கும் வரை இவ்வாறு தொடர்ந்து செய்யுங்கள். பின்னர் நீங்கள் ஆசீர்வதிக்கப் பட்டவர்கள் ஆவீர்கள்.