அன்பின் திருவுருவங்களே! கடுமையாக உழைக்கும் விவசாயிக்குப் பட்டினியைப் பற்றிய பயம் இல்லை.இறை நாமஸ்மரணை செய்பவருக்கு உலகியலான கவலைகள் இல்லை.குறைவாகப் பேசும் மனிதர் பகைமை இன்றி இருக்கிறார்.அளவுக்கு மீறிய பேச்சினால் மனிதர்கள் சண்டை சச்சரவுகளுக்கு இரையாகிறார்கள்.எனவே, ஒவ்வொருவரும் மிதமாகப் பேசுவதை வளர்த்துக் கொள்ள வேண்டும்.பேச்சில் கட்டுப்பாட்டுடன் இருப்பது நட்புகரமான உணர்வுகளை வளர்க்க உதவும்.தனது நடத்தையில் கவனமாக இருந்து,எல்லா செயல்களையும் தீர ஆராய்ந்த பின் ஆற்றுபவருக்கு அபாயத்தைப் பற்றிய அச்சம் இல்லை.இந்தக் கோட்பாடுகள் அனைத்தும் கல்வி சம்பந்தப் பட்டவை.அமைதியான வாழ்க்கையை நடத்துவது எப்படி என்பதை அறிந்து கொள்வதில் தான் உண்மையான கல்வி உள்ளது.இதுவே ஒவ்வொரு கற்றவரின் அடையாளச் சின்னமாகும்.உங்களது தொழிலில் முன்னேற்றம் பெற விழைவதோடு கூடவே, உலக அமைதியையும் நீங்கள் நாட வேண்டும், ஏனெனில் நீங்களும் உலக சமுதாயத்தின் ஒரு அங்கமே. உங்களது நலனும் இந்த உலக நலனுடன் நெருக்கமாக இணைந்துள்ளது. எனவே, நீங்கள் அனைத்து குறுகிய எண்ணங்க¨யும் விடுத்து, அனைவருடனும் ஒற்றுமை உணர்வையும், தெய்வீகத்துடன் தோழமையும் பெற வேண்டும்.