மானவ சேவையே மாதவ சேவை என்பார்கள். இது உண்மையே.மனித குலத்திற்கு ஆற்றப் படும் சேவை புனிதமானது தான் என்றாலும்,அது அதை விட உயர்ந்த இலட்சியத்துடன் இணைந்திருக்கவில்லை என்றால், அது எவ்வளவு பெரிய சேவையாக இருந்தாலும், மக்கள் அதனால் பயன் பெற மாட்டார்கள்.மனிதர்களின் தெய்வீகத்தில் நம்பிக்கை இன்றி,பெயர் மற்றும் புகழில் மட்டும் கவனம் வைத்து, ஒருவரது செயலுக்கு பிரதிபலனை எதிர்பார்த்து சேவை ஆற்றப் பட்டால்,கோஷங்களை திரும்பத் திரும்ப எழுப்புவதால் எந்தப் பயனுமில்லை.ஒருவர் எந்தப் பணியை மேற்கொண்டாலும், அவர் இறை நாமஸ்மரணையை தனது இடையறாத நண்பனாகக் கொண்டும்,மனிதர்களின் இயல்பான தெய்வீகத்தில் நம்பிக்கை கொண்டும் இருந்தால்,மனித குலத்திற்கு ஆற்றப் படும் சேவையும், மகேசனுக்கு ஆற்றப் படும் சேவையும் ஒன்றே என்ற கூற்று நியாமானதாகும்.இறைவனைப் பற்றிய எண்ணங்கள் இன்றி, இறைவனுக்கு சேவை என்பது எப்படித் துவங்க முடியும்?அதற்கு பதிலாக,சத்தியத்தின் பாதையிலும்,தர்மக் கோட்பாடுகளின் படியும்,இறைவனை மனதில் கொண்டு ஆற்றப் படும் எந்தச் செயலையும், இறைவனுக்கு ஆற்றப் படும் தன்னலமற்ற சேவை எனவே கருதலாம்.