மனிதர்களுக்கு எப்போது சில சௌகரியங்களோ அல்லது உதவியோ தேவைப்படுகிறதோ, அப்போது அவர்கள் உயர் பதவியில் உள்ளவர்களை நாடி, தங்களது தேவைகளைத் தெரிவிக்கிறார்கள்.அதைப் போலவே, உள்ளார்ந்த நிலையில், எப்போது பக்தி, தானம்,சாந்தி மற்றும் சத்தியம் ஆகியவற்றைப் பெறுவதற்கான வாய்ப்பு சாதாரண மனிதர்களுக்கு இருப்பதில்லையோ, இவற்றைப் பெற வேண்டும் என விழையும் உயர்ந்தவர்களும், சீரியவர்களும் தங்களுள்ளேயே உறையும் இறைவனைப் பிரார்த்திக்கிறார்கள்.இந்த பிரார்த்தனைகளுக்கு செவி மடுத்து அந்த இறைவனே இந்த உலகில் இற(ர)ங்கி வந்து அனைத்து மனிதர்கள் மீதும் தனது கருணையைப் பொழிகிறான். உதாரணத்திற்கு, பகவான் ஸ்ரீராமரும், ஸ்ரீகிருஷ்ணரும் பல முனிவர்களின் பிரார்த்தனைகளுக்கு இணங்கி அவதாரம் எடுத்து வந்தார்கள்.இதைப் போலவே, ஸ்ரீராமகிருஷ்ண பரமஹம்ஸரும், அன்னை காளியை அவதாரம் எடுத்து வந்து அநீதியையும்,சுயநலத்தையும் வேரோடு களைய வேண்டும் என இறைஞ்சினார்.இவ்வாறு இந்த சீரிய குறிக்கோளுக்காக, திரும்பத் திரும்ப பிரார்த்தனை செய்ய வேண்டும்.இறைவனது அவதாரம் உடனேயே நிகழவில்லையே என்பதற்காக எவரும் நம்பிக்கை இழந்து பிரார்த்தனைகளை விட்டு விடக் கூடாது.பண்டைய காலத்தில் இருந்தே, இறைவன் புனிதமான மற்றும் உளமார்ந்த பிரார்த்தனைகளுக்கு, தனது அவதாரத்தின் மூலம் பதிலளித்துள்ளார் என்பதை நினைவில் கொள்ளுங்கள்.