ஒரு மருத்துவர் வியாதி என்ன என்று முதலில் கண்டறிந்து,தேவையான சிகிச்சை முறையை அறிவுறுத்துகிறார்.அதைப் போலவே, நீங்களும் உங்களை, உங்களது வியாதிகளான துன்பம்,வருத்தம் மற்றும் வலியைப் பற்றி ஆத்ம விசாரத்தின் மூலம் பரிசோதித்துக் கொள்ள வேண்டும். அச்சமின்றி, பரிவுடன் ஆராயுங்கள்; உங்களது இயல்பான தன்மை ஆனந்தமே என்பதைக் காண்பீர்கள் !நீங்கள் உங்களைத் தவறாக, தாற்காலிகமான, அற்பமான மற்றும் துச்சமானவற்றுடன் இனம் கண்டு கொண்டு விட்டீர்கள்; இந்தப் பற்றுதலே துயரத்தைக் கொண்டு வந்துள்ளது. சந்தோஷமும், துக்கமும் நீல வானத்தில் கலைந்து செல்லும் மேகங்களைப் போன்றவை என்பதை உணருங்கள். வாழ்வின் ஏற்ற, இறக்கங்களை சமமான மனநிலையுடன் கையாளக் கற்றுக் கொள்ளுங்கள். எவ்வாறு ஒரு மீன் நீரில் மூழ்கி இருந்தால் மட்டுமே உயிர் வாழ முடியுமோ, அவ்வாறே மனிதனும் ஆனந்தத்தில் மூழ்கி இருந்தால் தான் வாழ முடியும். நீங்கள், வீட்டில், சமூகத்தில் மற்றும் உலகத்தில் , எல்லாவற்றிற்கும் மேலாக உங்கள் இதயத்தில் ஆனந்தம் கொண்டிருக்க வேண்டும். உங்கள் இதயமே ஆனந்தத்தின் ஊற்றாகும்.இடையறாத இறை நாமஸ்மரணை மற்றும் இறைவனது மாட்சிமைகளைப் போற்றுவதன் மூலம், அந்த ஊற்றுடன் உறவு வைத்திருக்க வேண்டும். சந்தேகம் அல்லது விரக்திக்கு ஒரு போதும் இடமளிக்காதீர்கள்.