மனிதர்கள் உலகியலான சந்தோஷத்திற்காக ஏங்குகிறார்கள்; இந்த ஏக்கமே ஒரு வியாதியாகும்; மேலும் அதனால் விளையும் துயரங்கள் நாம் உட்கொள்ளும் மருந்துகளே அன்றி வேறில்லை.இவைகளுக்கு நடுவில் மிகவும் அரிதாகவே ஒருவர் இறைவனை அடைய வேண்டும் என்ற ஆசைக்கு இடமளிக்கிறார். ஆனால், ஆராய்ந்து, பகுத்தறிவது மிகவும் அவசியம், ஏனெனில் இப்படிப் பட்ட ஆய்வினால் தோன்றுவதே துறவு மனப்பாங்காகும்.ஆராய்ந்து பாராமல், பற்றின்¨யைப் பெற இயலாது.கஞ்சத்தன்மை ஒரு நாய்க்குணமாகும்;இதை மாற்றியே ஆக வேண்டும். கோபமே, ஆன்மீக சாதகனின் முதல் எதிரி. அசத்தியம் இதை விட மோசமானது -அது அனைத்து ப்ராண சக்திகளையும் அழித்து விடுகிறது.திருட்டுத் தனம் வாழ்க்கையையே நாசமாக்குகிறது; விலை மதிப் பற்ற மனித வாழ்க்கையை, அது அழுகிய உணவை விடவே மோசமானதாக்கி விடுகிறது.மிதமான உணவு,மிதமான தூக்கம்,தன்னலமற்ற அன்பு மற்றும் மனோபலம் ஆகியவை உடல் மற்றும் மனதின் ஆரோக்கியத்தை பேணிக்காக்க உதவுகின்றன.நீங்கள் யாராக இருந்தாலும், எந்த நிலையில் இருந்தாலும், மனச்சோர்விற்கு இடமளிக்காதீர்கள் !அச்சமின்றி, அசையாத நம்பிக்கையுடனும் எந்த விதமான உள் நோக்கமும் இல்லாது இறைவனை நினைவில் கொள்ளுங்கள்; அனைத்து துன்பமும், துயரமும் விலகி விடும்.