நமது நாட்டில் குரங்குகளைப் பிடிக்க ஒரு விசித்திரமான முறை உள்ளது.இந்த முறையில் குறுகிய வாய் கொண்ட ஒரு பெரிய குடத்தைக் கொண்டு வந்து அதற்குள் குரங்கிற்கு பிடித்த சில பொருட்களைப் போட்டு வைப்பார்கள்.ஒரு குரங்கு ஆர்வத்தின் காரணமாக, தனது கையை உள்ளே விட்டு, கை நிறைய அந்தப் பொருளை அள்ளிக் கொள்ளும்.இதனால் அது கையை வெளியே எடுக்க முடியாமல் மாட்டிக் கொண்டு விடும் !அந்தக் குடத்திற்குள் இருந்த யாரோ அதன் கையைப் பிடித்துக் கொண்டு இருக்கிறார்கள் எனக் கற்பனை செய்து கொள்ளும்.உடனே அந்தக் குடத்துடன் ஓட முயற்சி செய்யும் ! எவரும் குரங்கின் கையைப் பிடித்துக் கொள்ளவில்லை. குரங்கு தனது பற்றுதலினால், தானே மாட்டிக் கொள்கிறது.அது கையில் பிடித்துக் கொண்டு இருப்பதை விட்டு விட்டால்,அது சுதந்திரமாகி விடும்.இதைப் போலவே,தாற்காலிகமான சுகங்கள் என்ற குறுகிய வாயைக் கொண்ட, இந்த உலகம் என்னும் பெரிய குடத்தில், மனிதர்கள் ஆசைகளால் ஈர்க்கப் பட்டு விடுகிறார்கள் !இந்த சுகங்களில் அவர்கள் ஆழ்ந்திருப்பதால், யாரோ அல்லது ஏதோ அவர்களை கட்டுண்டு வைத்திருப்பதாக அவர்கள் எண்ணுகிறார்கள்.இந்தப் பிணைப்பிற்கு எவரும் பொறுப்பல்ல.இந்த சுகங்களை விடுத்து, உங்களைப் பற்றற்றவர்களாக நீங்களே ஆக்கிக் கொண்டு விட்டால்,நீங்கள் சுதந்திரம் பெற்று விடுகிறீர்கள்!