கொக்கைப் பாருங்கள்; அது தண்ணீரில் மிக வேகமாக நடக்கிறது. ஆனால் அவ்வாறு நடக்கும் போது, அதனால் மீனைப் பிடிக்க முடியாது. எப்போது அது மீனைப் பிடிக்க விரும்புகிறதோ,அப்போது அதே கொக்கு மிகவும் அமைதியாக ஆகி, அசையாமல் நிற்கிறது. அதைப் போலவே,நீங்களும் பேராசை, கோபம் மற்றும் அதைப் போன்ற எதிர்மறையான குணங்களோடு நடந்து கொண்டீர்களானால், சத்யம், தர்மம், சாந்தி போன்ற மீனை ஒருபோதும் பெற இயலாது. நீங்கள் கடைப்பிடிக்கும் எந்த ஆன்மீக சாதனையுடனும், இடையறாத விலை மதிப்பற்ற இறை நாமஸ்மரணையையும் சேர்த்துக் கொள்ளுங்கள். அதன் பிறகு தான் நீங்கள் இயற்கையான குணங்களான பேராசை, கோபம் போன்றவற்றை வெல்ல முடியும். அனைத்து சாஸ்திரங்களும் இந்த முக்கியமான ஒரு பாடத்தைத் தான் போதிக்கின்றன !இறைவனே இந்த பிரபஞ்சமனைத்திற்கும் குறிக்கோளாகவும்,உங்கள் ஒவ்வொருவரது வாழ்க்கைப் பயணத்தின் இறுதி இலக்காகவும் இருப்பதால், அவனை உங்களது பார்வையில் இடையறாது நிலை நிறுத்தி,உங்களை இந்தப் பாதையிலிருந்து விலக்கி இழுத்துச் செல்ல முயலும் மனதை அடக்குங்கள்.