இறைவனிடம் பக்தி கொண்டவர்கள் அன்பு நிறைந்தவர்கள்;அவர்கள் எப்போதும் தர்மத்தையே பற்றி ஒழுகுவார்கள்;அவர்கள் சத்தியத்தையே பேசுவார்கள்;அவர்களது இதயங்கள் கருணையினால் உருகும்;அவர்கள் குற்றமற்றவர்கள்;அவர்கள் பாபத்தைத் தவிர்ப்பவர்கள்;அவர்கள் இயல்பு ஆணித்தரமானது; அவர்கள் அனைத்தையும் மகிழ்ச்சியாகத் தியாகம் செய்வார்கள்; அவர்கள் மிதமாக ஆஹாரம் உண்பார்கள்;அவர்கள் பிறருக்கு நன்மை செய்வதிலேயே ஈடுபட்டு இருப்பார்கள்;அவர்களிடம் சுயநலம் என்பதே கிடையாது;அவர்கள் சந்தேகங்களால் கவலை கொள்வதில்லை. அவர்கள் புகழ்ச்சிக்குச் செவி சாய்க்க மாட்டார்கள்:; ஆனால் பிறரது நல்ல இயல்புகளைப் பற்றிய புகழ்ச்சியைக் கேட்பதில் ஆர்வம் கொண்டவர்கள். அவர்கள் அழகான, வலுவான மற்றும் புனிதமான குணநலன்களைக் கொண்டவர்கள்.உண்மையான ஆன்மீக சாதகர்கள் இந்த குணங்களைப் பெறுவதற்குப் பாடுபடுவார்கள்; மேலும் நல்ல குணநலன்களை உடையவர்களாக இருப்பார்கள்.எவர் ஒருவர் ஜபம், தவம்,வ்ரதம் ஆகியவற்றில் ஈடுபட்டும், புலனடக்கம் கொண்டவர்களாகவும், கட்டுப்பாடு உடையவர்களாகவும், நம்பிக்கை, பொறுமை, நட்புணர்வு, கனிவு, சந்தோஷம் கொண்டவர்களாகவும், இறைவன் பால் களங்கமற்ற ப்ரேமை உடையவர்களாகவும் இருக்கிறார்களோ அவர் எனக்கு மிகவும் பிடித்தமானவர்.