நீங்கள் எப்போதும் பலத்தை நோக்கியே முன்னேற வேண்டும்; கோழைத்தனம் மற்றும் பலஹீனத்தின் விபரீதமான தன்மையைக் குறிக்கும் அடிப்படைக் குணங்களான பொய்மை, துர்குணம்,சூழ்ச்சி ஆகியவற்றில் ஈடுபடக்கூடாது. உங்களது உண்மையான நிலையை விடத் தாழ்ந்த ஒரு நிலையை, உண்மை என ஏற்றுக் கொள்வதிலிருந்தே பலஹீனம் பிறக்கிறது. நீங்கள் உங்களை வெளியில் இருக்கும் உமி என்று நினைத்துக் கொண்டு இருக்கிறீர்கள், ஆனால் உண்மையில் நீங்கள் உள்ளிருக்கும் தானியத்தைப் போன்றவர்கள். இதுவே முக்கியமான உண்மை. உங்களது ஆன்மீக சாதனைகள் அனைத்தும் இந்த உமியை நீக்கி, உள்ளிருக்கும் தானியத்தை வெளிப்படுத்துவதை நோக்கியே இருக்க வேண்டும். '' நான் இருக்கிறேன் '' என்று கூறும் வரை, அச்சம் கண்டிப்பாக இருக்கும்; ஆனால் நீங்கள், '' அஹம் ப்ரம்மாஸ்மி '' ( நானே தெய்வீகம் ) என்று கூறி, உணர்ந்தும் விட்டால், நீங்கள் அளவற்ற ஆற்றலைப் பெறுவீர்கள். தெய்வீகத்தின் தாக்கம் எவ்வளவு சூக்ஷ்மமானதும், வலுவானதும் என்றால், நீங்கள் இறைவனை தியானிக்கும் போது,பொறாமை மற்றும் பேராசையின் அனைத்து சுவடுகளும் உங்கள் மனதிலிருந்து மறைந்து விடும். கோபிகைகள், ஸ்ரீகிருஷ்ணரிடம் கொண்டிருந்த தூய ப்ரேமையே இதற்கு ஒரு தலை சிறந்த எடுத்துக் காட்டு.எல்லாக் காலங்களிலும் தெய்வீக அவதாரங்களின் சிறப்பு இதுவே ஆகும்.