வீடு பற்றி எரிந்து கொண்டிருக்கும் போது,கிணறு தோண்டத் திட்டமிடுவதால் என்ன பயன்? தோண்டுவதற்கு இப்போது ஏது நேரம்? எப்போது தண்ணீர் கிடைக்கும்?நெருப்பை எப்போது அணைப்பது? இது இயலாத காரியம் ! ஒரு வேளை ஆரம்பத்திலேயே ஒரு கிணறு தயாராக இருந்திருந்தால், இப்படிப் பட்ட இக்கட்டான வேளையில் எவ்வளவு உபயோகமாக இருந்திருக்கும்?கடைசி காலங்களில் இறைவனைத் தியானிக்க ஆரம்பிப்பது , வீடு தீப்பற்றி எரியும்போது கிணறு தோண்டுவதைப் போலாகும். எனவே, இப்போதே, இறைவனை அடிக்கடித் தியானம் செய்து உங்களைத் தயாராக்கிக் கொள்ளுங்கள், ஏனெனில், அதுவே இறுதித் தருணங்களில் உங்களுக்குக் கை கொடுக்கும். நாளை செய்வதாக இருக்கும் ஆன்மீக சாதனையை இன்றே தொடங்குங்கள் ! இன்று செய்வதாக இருப்பதை இப்போதே ஆரம்பியுங்கள். அடுத்த நொடியில் என்ன இருக்கிறது என்பதை எவரும் அறியார்; எனவே ஆன்மீக சாதனைகளைத் தொடங்குவதில் எந்த விதமான தாமதமும் இருக்கக் கூடாது. இதற்கு உடல் திறன் அவசியம்; எனவே, அளவுக்கு மீறிக் கவனம் செலுத்தினால் தீங்கு விளைவித்தாலும் கூட, உடலைப் பராமரிக்க வேண்டும்.தேவைக்குத் தகுந்த அளவு, மிகுந்த கவனத்துடன் உடலைப் பராமரிக்க வேண்டும்.