இந்த மனித உடல் ஆத்மாவிற்கான ஒரு கவசம்,அது உறையும் ஒரு பாத்திரம். நீர் மற்றும் காற்று போன்ற பூதங்கள் இந்த உடலுடன் நெருக்கமாக பிணைக்கப் பட்டவை.எனவே தான், அனைத்திற்கும் ஆதாரமான ஆத்ம தத்துவம் உணரப்படுவதில்லை.சத்தியமே ஆன இந்த தத்துவத்தைப் பற்றிய விழிப்புணர்வை மனிதர்கள் இழந்து விட்டார்கள்.ஆத்மா இந்த உடலிலேயே உள்ளது, ஆனால் அது உடலுடையதல்ல.இந்த உடலில் இயங்கிக் கொண்டு இருந்தாலும், ஆத்ம தத்துவம் இந்த உடலுக்குச் சொந்தமானதல்ல.கண்களால் காண முடிவதும், காதுகளால் கேட்க முடிவதும், ஆத்மாவால் அளிக்கப் பட்டவையே. கண்களும், காதுகளும் இந்த பரமாத்ம தத்துவத்தினாலேயே பராமரிக்கப் படுகின்றன. ஸங்கல்பம் எனப்படும் உண்மையான '' நீங்கள்'' உங்களது இந்த (தெய்வீகமான) ஆத்மாவே. பிரபஞ்சத்தை உருவாக்கியுள்ள பஞ்ச பூதங்களுக்கு ( ஆகாயம்,காற்று,நீர்,நெருப்பு மற்றும் நிலம்) சக்தி அளித்து அவற்றை செயலாற்ற உந்துவது, இந்த பரமாத்ம ஞானமே. ஜீவ ராசிகளின் உலகனைத்தையும் - சராசரங்களையும் பேணிக் காப்பதும் இந்த பராமாத்ம ஞானமே.அந்த பரமாத்ம ஞானமே ஆத்மா, பரப்பிரம்மம் மற்றும் கண்களுக்குப் புலப்படும் பொருட்களாலான இந்த உலகம்.