இளைஞர்கள் இன்று அளவுக்கு மீறிய பேராசை கொண்டவர்களாகவும், முழுவதுமான சுயநலவாதிகளாவும் ஆகி,வெறுப்பு மற்றும் பொறாமை உணர்வுகளைக் கொண்டவர்களாக இருக்கிறார்கள்.அவர்களது உலகியலான மற்றும் புலனின்பங்களை அனுபவிக்கும் வாழ்க்கை முறை (போகா), வியாதிகளில் தான் ( ரோகா ) முடியும். பண்டைய காலத்தில், இளைஞர்களானாலும், துறவிகளானாலும் ஒன்று போல,தியாகமும், புலடக்கமும் ( த்யாகா மற்றும் யோகா ) கொண்ட வாழ்க்கையை நடத்தி, சாந்தி, சந்தோஷங்களை அனுபவித்தார்கள். சுற்றுப் பயணம் செய்யும் போது, மனிதர்கள் செலவுக்குத் தேவையான அளவு பணத்தை எடுத்தச் செல்ல விரும்புகிறார்கள்;அவர்கள் பயணம் முடிந்தவுடனோ அல்லது அடைய வேண்டிய இடத்தை அடைந்த பின்போ, மீதமிருக்கும் பணத்தை, நம்பிக்கைக்கு உகந்த ஒரு நண்பரிடம் கொடுத்து விட்டு நிம்மதியாக உறங்குவார்கள்.நீங்கள் அனைவரும் பிறந்த தருணத்திலிருந்தே, அன்பெனும் செல்வம் அருளப் பெற்றவர்களாக இருக்கிறீர்கள். உலகியலான செயற்களத்தில் ( கர்மக்ஷேத்ரம்), இந்த அன்பெனும் பொக்கிஷத்தைப் பாதுகாப்பது மிகவும் கடினமானதே.எனவே, நீங்கள் அதைக் கொடுத்து வைக்க ஒரு நம்பிக்கையான நண்பனைக் கண்டு பிடிக்க வேண்டும்.- உண்மையான ஒரே நண்பன் இறைவனே.எனவே, உங்களது அன்பெனும் செல்வத்தை இறைவனிடம் அளித்து விட்டு, சாந்தி, சந்தோஷங்கள் நிறைந்த பாதுகாப்பான வாழ்க்கையை நடத்துங்கள்.