வழிபடப்படுபவர் மீது வழிபாடு செய்பவருக்கு உள்ள மனப்பாங்கு பக்தி எனும் விதையாகும்.வழிபடக்கூடிய பொருளின் தனித் தன்மைகள், முதன் முதலில் வழிபடுபவரின் மனதை ஈர்க்கின்றன.வழிபடுபவர் இந்தத் தன்மைகளைப் பெற முயல்கிறார்.இதுவே ஆன்மீக சாதனையாகும். ஆன்மீக சாதனையின் ஆரம்ப கட்டத்தில், வழிபடுபவர் மற்றும் வழிபடப்படுவரின் இடையே உள்ள வேறுபாடு தெளிவாகத் தெரிகிறது; ஆனால் ஆன்மீக சாதனை முன்னேற, முன்னேற அது குறைந்து கொண்டே வந்து,பரிபூரணம் அடையும் போது எந்த விதமான வித்தியாசமும் இருப்பதில்லை.நீங்கள் நேசித்து, ஆன்மீக சாதனையால் அடைய விரும்பும் பொருள் எதுவாக இருந்தாலும், நீங்களும் , இறைவனும் ஒன்றே என்ற திடமான நம்பிக்கை கொண்டிருங்கள்.நீங்கள் கொண்டிருக்க வேண்டிய விருப்பம் ஒன்றே ஒன்று தான்; அதுவே ஈஸ்ர சாக்ஷாத்காரம். உங்கள் மனதில் வேறு எந்த விருப்பத்திற்கும் இடமளிக்காதீர்கள். பின்னர், இன்பமாயினும், துன்பமாயினும், உங்களது திருப்தியைப் பற்றி எந்தக் கவலையும் இன்றி, நீங்கள் ஆன்மீக சாதனையில் உறுதியாக, தங்கு தடையின்றி முழு நம்பிக்கையுடன் ஈடுபடுவீர்கள் ; ஒருமுறை உண்மை நிலையை உணர்ந்து விட்டால், உங்களுக்கு முழுத் திருப்தி கிடைத்து விடும்.