மலை உச்சிகளில் மழை பொழிந்து,தண்ணீர் கீழ் நோக்கிப் பாயும் போது, நதிகள் உருவாவதில்லை.ஆனால், எப்போது தண்ணீர் ஒரே திசையில் பாய்கிறதோ, அப்போது அது முதலில் ஒரு ஓடையாக, ஒரு நீரோட்டமாக, ஒரு ப்ரவாஹமாக பின்னர் இறுதியில் ஒரு வெள்ளப் பெருக்கான ஆறாக உருவாகி, அந்த மழை நீர் கடலில் கலக்கிறது.ஒரே திசையில் ஓடும் தண்ணீர் கடலைச் சென்றடைகிறது; நான்கு திசைகளிலும் பரவும் தண்ணீர் நிலத்தில் ஊறி, பின் மறைந்து விடுகிறது. மன உந்துதல்களும்(ஸம்ஸ்காரங்கள்) இப்படிப் பட்டவையே. எல்லா இடங்களிலும் பரவி அவை இருப்பதால் என்ன பயன் ?கூடப் பிறந்த சீரிய ஆசைகளின் புனித நீரோட்டம் , முழுமையாக,புனித எண்ணங்கள் என்ற வயல்களின் வழியாக நிலையாக ஓடி, இறுதியில் இறக்கும் தருவாயில் பேரானந்தப் பெருங்கடலில் சென்று உறைய வேண்டும்.இப்படிப் பட்ட குறிக்கோளை அடைபவரே உண்மையில் மதிப்பு வாய்ந்தவர்! எனவே, இப்போதிலிருந்து உங்கள் கை கால்களை தன்னலமற்ற நற்காரியங்கள் ஆற்றுவதில் பயன்படுத்துங்கள் ; உங்கள் மனதை இறைவன் பால் நிலை கொள்ளச் செய்யுங்கள். உள் மனதில் அவனது நாமஸ்மரணையைச் செய்து கொண்டே, உங்களது ஸ்வதர்மத்தை, உளமாறக் கடைப் பிடியுங்கள்.