ஒரு வியாபாரி வார,அல்லது மாத அல்லது வருட முடிவில் தனது வரவு செலவை மதிப்பிட்டு, தனது மொத்த வருமானம் என்ன என்ற ஒரே ஒரு எண்ணை அறிவதற்காக கணக்கெடுக்கிறார்.அதைப் போலவே, வாழ்க்கை எனும் வியாபாரத்தில் வரவு மற்றும் செலவை சரிசமன் செய்தபின், முடிவு சில வருமானமாக இருக்கலாம்.இறக்கும் தருவாயில், ஒருவர் தனது நாவைத் திருப்தி செய்வதிலேயே குறியாக இருப்பாரேயானால், அதுவே,அவர் வாழ்க்கை முழுவதும் அந்த நாக்கே எஜமானனாக இருந்திருக்கிறது என்பதற்கு அத்தாட்சியாகிறது. இவ்வாறு வாழ்க்கையின் சில சம்ஸ்காரங்களில் ( தீராத உள் ஆசைகளில்), சில மற்றவற்றை விட வலுவனதாகவும் ,இறுதி வரை தொடர்வதாகவும் இருக்கும்.வாழ்க்கை அப்படிப் பட்டதே;இந்தப் பாடத்தைக் கற்று, நன்றாகப் புரிந்து கொள்ள வேண்டும். வாழ்க்கையின் இறுதித் தருணத்தில் என்ன நினைவிற்கு வருகிறது என்பதே இந்த வாழ்க்கைப் போராட்டத்தின் முடிவாகும். எனவே,இந்த வாழ்க்கை எனும் நீரோட்டத்தை, அந்தக் கடைசித் தருணத்தில் நீங்கள் என்ன நினைவில் கொள்ள வேண்டும் என விரும்புகிறீர்களோ, அதை நோக்கிச் செலுத்துங்கள்.இரவும் ,பகலும் உங்கள் கவனத்தை அதிலேயே பதித்திருங்கள்.