இறைவன் அங்கிங்கெனாதபடி எங்கும் நிறைந்தவன்< அவன் உங்களுள்ளும் உறைகிறான்.அவனை உங்களுள் காண்பதற்கு முதலில் இருக்க வேண்டிய தகுதி, தூய்மையான மற்றும் தன்னலமற்ற அன்பே ஆகும்.அவன் நாமத்தை அன்புடன் பாடுங்கள்.இந்த உலகில் அனைத்து ஜீவராசிகளும் கர்மாவினால் கட்டுண்டவை. இறைவன் மனித ரூபத்தை மிகவும் நேசிக்கிறான். எனவே தான் அவதாரங்கள் மனித உருவில் வருகின்றனர். ஸ்ரீமத் பகவத் கீதை அறிவித்ததைப் போல, கர்ம மார்க்கத்தை அனுசரிப்பதன் மூலம், நீங்கள் அவனது தரிசனத்தை அனுபவிக்க முடியும். ஒரு செயற்கையான ரூபத்தில், ஒரு அலங்காரப் பதுமையாகவோ அல்லது உருவமாகவோ இறைவன் வழிபடப் படுகிறான்.நீங்கள் அவனை இயற்கையான முறையில், இயற்கையான ரூபத்தில் அனுபவிக்க வேண்டும். ஒரு பக்தன் செய்யும் அலங்காரம் எல்லாம் இறைவனை மகிழ்விப்பதில்லை.அது மற்ற பக்தர்களின் இதயத்தை வேண்டுமானால் மகிழ்விக்கலாம்,ஆனால் இறைவனது இதயம் அதனால் நெகிழ்வதில்லை.அன்பின் மூலம் மட்டுமே, இறைவனது இதயத்தை நெகிழச் செய்து, மிருதுவாக்க முடியும்.ஒவ்வொரு பக்தனிடமும் அந்த சக்தி உள்ளது. ஆடம்பரமான ஆராதனை அல்லது அற்பமானவற்றை யாசிப்பது போன்றவைக்குப் பதிலாக, இறைவனுக்காகவே ஏங்குங்கள், உங்களுக்கு அனைத்தும் கிட்டி விடும். இறைவனை உங்களது உயிர் தோழனாக ஆக்கிக் கொள்ள விழையுங்கள்.