நீங்கள் ஆதரவின்றி இருப்பதாகவும்,உங்களை இவ்வளவு மோசமாக நடத்தப்படுவது சரியில்லை என்றும் எண்ணும் அஹங்காரத்திலிருந்தே, துயரம் ஊற்றெடுக்கின்றது. அஹங்காரம் அகன்று விட்டால் ,துயரம் மறைந்து விடும். அறியாமை வெறும் ஒரு தவறே;உடலையே ஆத்மாவாக இனம் காணும் தவறே அது ! உண்மையில் நீங்கள் ஒவ்வொருவரும் அஹங்காரம் அற்றவர்களாக ஆக முயல வேண்டும்; பின்னர் இறைவன் உங்களை தனக்கே சொந்தமான புல்லாங்குழலாக ஏற்றுக் கொள்வான். நீங்கள் அவனது புல்லாங்குழலாக ஆவதை நான் ஊக்குவிக்கிறேன்; ஏனெனில் பின்னர் இறைவன் உங்களிடம் வந்து, உங்களை எடுத்து, தனது உதடுகளில் பொருத்தி, உங்கள் மூலம் காற்றை ஊதி, நீங்கள் உருவாக்கி உள்ள அஹங்காரமே அற்ற இதயத்தின் வெற்றிடத்தின் மூலம்,இந்த சிருஷ்ட்டி அனைத்தும் மகிழக்கூடிய வசீகரமான இன்னிசையை உருவாக்கி விடுவான். உங்களுக்கென்று எந்த விருப்பமும் இன்றி நேராக உங்கள் விருப்பத்தை இறைவனது ஸங்கல்பத்தோடு ஒன்றரக் கலந்து விடுங்கள்.இறைவனை மட்டுமே சுவாசியுங்கள். அதுவே தெய்வீக வாழ்க்கை! இதையே நீங்கள் அனைவரும் நாடி, பெறவேண்டும் என நான் விரும்புகிறேன்.